ສະມາຄົມວິຊາການແລະການຄົ້ນຄວ້າອະນຸພາກພື້ນແມ່ນ້ຳຂອງຫຼື GMSARNໄດ້ຈັດກອງປະຊຸມວິຊາການສາກົນ GMSARN ຄັ້ງທີ 11 ຢູ່ເມືອງຄຸນມິງ ແຂວງຢຸນນານ ສປ ຈີນໃນວັນທີ 16 ພະຈິກນີ້ພາຍໃຕ້ຫົວຂໍ້ "ປະດິດສ້າງພະລັງງານ, ສິ່ງແວດລ້ອມກັບການພັດທະນາແບບຍືນຍົງຂອງເຂດອະນຸພາກພື້ນແມ່ນ້ຳຂອງຫຼືGMS" ໂດຍຜູ້ເຂົ້າຮ່ວມໄດ້ແລກປ່ຽນທາງເຕັກນິກແລະຖອດຖອນບົດຮຽນກ່ຽວກັບການອະນຸລັກຊີວະນານາພັນ,ການປ່ຽນແປງດິນຟ້າອາກາດກັບພະລັງງານ, ການບໍລິໂພກແບບຍືນຍົງກັບການຜະລິດ,ການພັດທະນາຂອງວິສາຫະກິດຂະໜາດກາງແລະນ້ອຍ, ພະລັງງານໝູນວຽນ,ວັດຖຸເຊື້ອໄຟຊີວະພາບກັບເຕັກນິກທີ່ສະອາດ,ການຄຸ້ມຄອງຊັບພະຍາກອນນ້ຳ, ສິ່ງປຸກສ້າງສີຂຽວແລະອື່ນໆ.
ອະນຸພາກພື້ນແມ່ນ້ຳຂອງປະກອບດ້ວຍກຳປູເຈຍ,ຈີນ(ແຂວງຢຸນນານແລະເຂດປົກຄອງຕົນເອງເຜົ່າຈ້ວງກວາງຊີ),ລາວ, ມຽນມາ, ໄທ ແລະຫວຽດນາມ.ມະຫາວິທະຍາໄລ 11 ແຫ່ງໃນອະນຸພາກພື້ນແມ່ນ້ຳຂອງເຊັ່ນມະຫາວິທະຍາໄລເຕັກໂນໂລຊີຄຸນມິງຈີນ, ມະຫາວິທະຍາໄລເຕັກໂນໂລຊີອາຊີ (ໄທ), ມະຫາວິທະຍາໄລວິທະຍາສາດເຕັກໂນໂລຊີຢ້າງກຸ້ງມຽນມາເຫຼົ່ານີ້ເປັນຕົ້ນໄດ້ປະກອບເປັນອົງການ GMSARN.
 |
