ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ສົ່ງໂທລະເລກອວຍພອນເຖິງທ່ານສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ສປປ ລາວໃນໂອກາດວັນຊາດ ສປປ ລາວຄົບຮອບ 41 ປີ
ເນື່ອງໃນໂອກາດວັນຊາດສາທາລະນະລັດປະຊາທິປະໄຕປະຊາຊົນລາວຄົບຮອບ 41 ປີ, ຂ້າພະເຈົ້າຂໍສົ່ງຄຳອວຍພອນອັນອົບອຸ່ນທີ່ສຸດມາຍັງທ່ານ.
ປີນີ້ເປັນປີຄົບຮອບ 55 ປີແຫ່ງການສ້າງຕັ້ງສາຍພົວພັນທາງການທູດລະຫວ່າງຈີນ-ລາວ, ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ລາວໄດ້ຂະຫຍາຍຕົວລົງສູ່ລວງເລິກ, ເຈົ້າໜ້າທີ່ຂັ້ນສູງລະຫວ່າງສອງປະເທດໄດ້ໄປມາຫາສູ່ກັນຢ່າງໃກ້ຊິດ, ການຮ່ວມມືໃນຂົງເຂດຕ່າງໆມີໝາກຜົນພົ້ນເດັ່ນ, ສອງປະເທດໄດ້ຮັກສາການປະສານສົມທົບຢ່າງໃກ້ຊິດໃນວຽກງານພາກພື້ນແລະສາກົນ. ຂ້າພະເຈົ້າຍິນດີຮ່ວມກັບທ່ານ, ປະຕິບັດຕາມຄວາມເຫັນເປັນເອກະພາບລະຫວ່າງຜູ້ນຳສອງປະເທດ, ສຸມທຸກຄວາມພະຍາຍາມເພື່ອຊຸກຍູ້ສາຍພົວພັນລະຫວ່າງສອງປະເທດໃຫ້ຂະຫຍາຍຕົວລົງສູ່ລວງເລິກ.
ຂໍອວຍພອນໃຫ້ ສາທາລະນະລັດປະຊາທິປະໄຕປະຊາຊົນລາວຈະເລີນເຂັ້ມແຂງ, ແລະປະຊາຊົນຜາສຸກ!
ອວຍພອນໃຫ້ການຮ່ວມມືລະຫວ່າງກະຊວງການຕ່າງປະເທດໜັກແໜ້ນເຂັ້ມແຂງຂຶ້ນຢ່າງບໍ່ຢຸດຢັ້ງ!
ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນ
ວັນທີ 2 ທັນວາ 2016 ທີ່ນະຄອນຫຼວງປັກກິ່ງ