ວັນທີ 4 ທັນວານີ້, "ກອງປະຊຸມສຳມະນາສາກົນລະນຶກການຮັບຮອງ 'ຖະແຫຼງການສິດພັດທະນາ' ຄົບຮອບ 30ປີ" ໄດ້ໄຂຂຶ້ນຢູ່ນະຄອນຫຼວງປັກກິ່ງ ສປ ຈີນ. ທ່ານສີຈິ້ນຜີງ ປະທານປະເທດຈີນໄດ້ສົ່ງຈົດໝາຍອວຍພອນ,ໂດຍເນັ້ນວ່າການພັດທະນາແມ່ນຫົວຂໍ້ຕະຫຼອດ ຂອງສັງຄົມມະນຸດ, ຫວັງວ່າປະຊາຄົມໂລກຈົ່ງຖືຂະບວນການພັດທະນາແບບຍືງຍົນປີ 2030 ຂອງອົງການສະຫະປະຊາຊາດເປັນຈຸດເລີ່ມຕົ້ນໃໝ່, ບັນລຸໃຫ້ປະເທດຕ່າງໆພັດທະນາຮ່ວມກັນ.
ທ່ານສີຈິ້ນຜີງຊີ້ໃຫ້ເຫັນວ່າ, ໃນຫຼາຍປີມານີ້, ຈີນຍຶດໝັ້ນແນວຄິດພັດທະນາທີ່ຖືປະຊາຊົນເປັນໃຈກາງ, ຖືການເພີ່ມທະວີຄວາມຜາສຸກຂອງປະຊາຊົນ, ຮັບປະກັນໃຫ້ປະຊາຊົນເປັນເຈົ້າບ້ານຄອງເມືອງ, ແລະຊຸກຍູ້ການພັດທະນາຮອບດ້ານຂອງມະນຸດເປັນຈຸດເລີ່ມຕົ້ນແລະຈຸດໝ!ຍປາຍທາງຂອງການພັດທະນາ, ໂດຍໄດ້ຮັບປະກັນສິດພັດທະນາຂອງປະຊາຊົນຢ່າງມີປະສິດທິຜົນ, ແລະໄດ້ເດີນຕາມເສັ້ນທາງພັດທະນາສິດທິມະນຸດທີ່ມີສີສັນຂອງຈີນ. ຂະນະດຽວກັນຈີນຕັ້ງໜ້າເຂົ້າຮ່ວມການປັບປຸງທົ່ວໂລກໃຫ້ດີຂຶ້ນ, ອອກແຮງຊຸກຍູ້ການພັດທະນາແບບກວມລວມ, ພະຍາຍາມສ້າງເງື່ອນໄຂແລະໂອກາດໃນການແບ່ງບັນໝາກຜົນພັດທະນາໃຫ້ແກ່ປະຊາຊົນຂອງປະເທດຕ່າງໆໂດຍສະເພາະແມ່ນປະຊາຊົນຂອງປະເທດທີ່ພວມພັດທະນາ.
ກອງປະຊຸມສຳມະນາເທື່ອນີ້ຈັດຂຶ້ນໂດຍຫ້ອງການຖະແຫຼງຂ່າວລັດຖະບານຈີນແລະກະຊວງການຕ່າງປະເທດຈີນ, ເຈົ້າໜ້າທີ່ລັດຖະບານແລະນັກວິຊາການ 150 ກວ່າທ່ານທີ່ມາຈາກ 40 ກວ່າປະເທດ, ເຂດແຄວ້ນແລະອົງການຈັດຕັ້ງສາກົນໄດ້ເຂົ້າຮ່ວມ.
 |
