ຕາມຂ່າວ CRI: ວັນທີ 4 ທັນວານີ້, ອີຕາລີໄດ້ລົງປະຊາມະຕິດັດແກ້ລັດຖະທຳມະນູນ, ໂດຍຜົນເບື້ອງຕົ້ນທີ່ປະກາດໃນຕອນຂ້ອນແຈ້ງວັນທີ 5 ທັນວານີ້ສະແດງໃຫ້ເຫັນວ່າ, ການລົງປະຊາມະຕິເທື່ອນີ້ມີບັດຄັດຄ້ານຫຼາຍກວ່າເຫັນດີ, ແລະເປັນການສະແດງໃຫ້ເຫັນວ່າການດັດແກ້ລັດຖະທຳມະນູນຖືກປະຕິເສດຢ່າງແນ່ນອນ, ຈາກນີ້ໃນວັນທີ 5 ເດືອນດຽວກັນ, ທ່ານລອນຊີ ນາຍົກລັດຖະມົນຕີກໍປະກາດລາອອກຈາກຕຳແໜ່ງ.
ການລົງປະຊາມະຕິດັດແກ້ລັດຖະທຳມະນູນຂອງອີຕາລີເທື່ອນີ້ຕົ້ນຕໍຈະກ່ຽວພັນເຖິງການປະຕິຮູບລະບອບການເມືອງ, ລວມທັງຫຼຸດອຳນາດຂອງສະພາສູງ, ໝາຍຄວາມວ່າເປັນການຫຼຸດຈຳນວນບ່ອນນັ່ງຂອງສະພາສູງ, ຍົກເລີກການເລືອກຕັ້ງສະມາຊິກສະພາສູງທົ່ວໄປ, ນຳເອົາສິດຕັດສິນຂອງອົງການປົກຄອງກັບຄືນສູ່ລັດຖະບານສູນກາງແລະອື່ນໆ. ທັງນີ້ໃນບັດລົງປະຊາມະຕິໄດ້ລະບຸວ່າ: ທ່ານເຫັນດີຫຼຸດຄວາມດຸ່ນດ່ຽງຂອງສອງສະພາ, ຫຼຸດຈຳນວນສະມາຊິກສະພາ, ຫຼຸດລາຍຈ່າຍຂອງສະພາ, ການດັດແກ້ມາດຕາທີ 5 ໃນພາກທີ 2 ຂອງລັດຖະທຳມະນູນແລະອື່ນໆຫຼືບໍ່?
 |
