ຕາມຂ່າວ CRI: ໃນໂອກາດວັນທີ 13 ທັນວານີ້ເປັນວັນໄວ້ອາໄລຜູ້ເສຍຊີວິດໃນການສັງຫານໝູ່ນານກິ່ງແຫ່ງຊາດຈີນເຊິ່ງປີນີ້ເປັນປີທີ 3 ແລະເປັນປີທີ 79 ຫຼັງເກີດໂສກນາຕະກຳດັ່ງກ່າວ, ແທນທີ່ລັດຖະບານຍີ່ປຸ່ນຈະທົບທວນແລະຂໍອະໄພລັດຖະບານແລະປະຊາຊົນຈີນພັດຍັງເມີນເສີຍເຊິ່ງກໍບໍ່ຕ່າງຫຍັງກັບໄລໄຍະຜ່ານມາແລະຍັງກວ່ານັ້ນກໍຄື ທ່ານ ຊິນໂຈ ອາເບະ ນາຍົກລັດຖະມົນຕີຍີ່ປຸ່ນໄດ້ຢືນຢັນວ່າຕົນຈະເດີນທາງຢ້ຽມຢາມທ່າກຳປັ່ນ Pearl ປະເທດອາເມລິກາເພື່ອໄວ້ອາໄລຜູ້ເສຍຊີວິດໃນການຫຼອນໂຈມຕີທ່າກຳປັ່ນນີ້ກ່ອນວັນລະນຶກການໂຈມຕີດັ່ງກ່າວ.
ນັກວິເຄາະຊີ້ເຫັນວ່າ: ການທີ່ທ່ານ ຊິນໂຈອາເບະ ໄປຢ້ຽມຢາມທ່າກຳປັ່ນດັ່ງກ່າວເປັນພຽງວິທີການເມືອງຂອງຕົນເທົ່ານັ້ນແຕ່ແນວໃດກໍດີ, ໃນການໂຮມຊຸມນຸມຂອງປະຊາຊົນທີ່ຈັດໂດຍ "ສະມາຄົມສືບທອດຖະແຫຼງການໂຕມີອີຊີ ມູຣາຢາມະ" ທີ່ເປັນອົງການຈັດຕັ້ງປະຊາຊົນນັ້ນ, ຜູ້ຊ່ຽວຊານແລະນັກວິຊາການກ່າວວ່າ: ການກະທຳຂອງທ່ານ ຊິນໂຈອາເບະ ກໍພຽງເພື່ອຫວັງໃກ້ຊິດແລະສະແດງຄວາມຈົງຮັກພັກດີຕໍ່ອາເມລິກາເທົ່ານັ້ນ ເພື່ອສະແດງໃຫ້ອາເມລິກາແລະທົ່ວໂລກເຫັນວ່າພັນທະມິດສອງປະເທດຈະບໍ່ປ່ຽນແປງ.
ທ່ານ ຟຸຈິຕາ ຕາກາກາເກ ປະທານ "ສະມາຄົມສືບທອດຖະແຫຼງການໂຕມີອີຊີ ມູຣາຢາມະ" ຊີ້ໃຫ້ເຫັນວ່າ: ປະເທດຕົນຄວນຮັບຄວາມຈິງຂອງປະຫວັດການຮຸກຮານອາຊີຢ່າງຖືກຕ້ອງ ທັງເນັ້ນຖ້າຫາກມີທັດສະນະປະຫວັດສາດ "ຝ່າຍຂວາ" ທີ່ບໍ່ຮັບປະຫວັດສາດການຮຸກຮານຄືທ່ານຊິນໂຈອາເບະແລ້ວ, ປະເທດຕົນກໍຈະບໍ່ສາມາດບັນລຸຄວາມປອງດອງກັບປະຊາຊົນອາຊີໄດ້ຢ່າງແທ້ຈິງ.