ຕາມຂ່າວສານຈີນ:ເວລາ 3 ໂມງ 22 ນາທີຂອງວັນທີ 22 ທັນວານີ້,ຈີນໄດ້ປະສົບຜົນສຳເລັດໃນການສົ່ງດາວທຽມທົດລອງວິທະຍາສາດຕິດຕາມກາກບອນໄດອອກໄຊທົ່ວໂລກຢູ່ສູນຍິງດາວທຽມຈີວສວນ.ຜູ້ຊ່ຽວຊານກ່າວວ່າ,ດາວທຽມໜ່ວຍນີ້ຈະເຮັດໃຫ້ຈີນມີຄວາມສາມາດຕິດຕາມຄວາມເຂັ້ມຂຸ້ນຂອງກາກບອນໄດອອກໄຊຢູ່ຊັ້ນອາກາດໃນເຂດແຄວ້ນສຳຄັນແລະທົ່ວໂລກ.
ໂດຍໄດ້ຮັບຜົນກະທົບຈາກສີມືຂອງມະນຸດ,ຄວາມເຂັ້ມຂຸ້ນຂອງອາຍພິດເຮືອນແກ້ວໃນອາກາດໄດ້ສູງຂຶ້ນເຖິງລະດັບສູງສຸດໃນປະຫວັດສາດ,ແລະມີທ່ວງທ່າເພີ່ມຂຶ້ນ.ການຕິດຕາມສະພາບລະບາຍກາກບອນໄດອອກໄຊທົ່ວໂລກຢ່າງແນ່ນອນຈິ່ງສາມາດດຳເນີນການຄົ້ນຄວ້າດິນຟ້າອາກາດປ່ຽນແປງຢ່າງມີປະສິດທິຜົນ.
ທ່ານຫຼີຈາຫົງ ວິສະວະກອນໃຫຍ່ສູນຄວບຄຸມທາງໄກກະຊວງວິທະຍາສາດເຕັກໂນໂລຊີເວົ້າວ່າ,ດາວທຽມໜ່ວຍນີ້ມີຄວາມໝາຍສຳຄັນຕໍ່ການຍົກສູງສິດສະແດງຄວາມເຫັນຂອງຈີນໃນດ້ານດິນຟ້າອາກາດປ່ຽນແປງສາກົນ.ຫຼັງຈາກນີ້,ດາວທຽມຈະວັດແທດຢູ່ໂຄຈອນປະມານເຄິ່ງປີແລະ ໃນຕໍ່ໜ້າຈີນຈະແບ່ງປັນຂໍ້ມູນໃຫ້ທັງພາຍໃນແລະຕ່າງປະເທດໃນເວລາທີ່ເໝາະສົມ.