ຕາມຂ່າວສານຈີນ: ຕອນບ່າຍວັນທີ 25 ທັນວານີ້, ປະຊາຊົນໄຕ້ຫວັນຫຼາຍພັນຄົນ ໄດ້ແຫ່ຂະບວນຕາມຖະໜົນຫົນທາງເມືອງໄຕ້ເປ ເພື່ອປະທ້ວງທາງການຂອງພັກປະຊາທິປະໄຕກ້າວໜ້າທີ່ບໍ່ເອົາຫົວຊາຕໍ່ສຸຂະພາບຂອງປະຊາຊົນ ໂດຍໄດ້ເຈລະຈາກັບຍີ່ປຸ່ນກ່ຽວກັບ "ເງື່ອນໄຂແລກປ່ຽນ" ແລະນຳເຂົ້າອາຫານຈາກເຂດປະສົບໄພນິວເຄລຍຂອງຍີ່ປຸ່ນ, ພ້ອມທັງຮ້ອງຄຳຂວັນໃຫ້ "ທ່ານນາງ ໄຊ້ຢິ່ງເວີນອອກຈາກຕຳແໜ່ງ".
ໃນໄລຍະເກີດແຜ່ນດິນໄຫວ, ຢູ່ຟູຄູຊີມະປະເທດຍີ່ປຸ່ນໄດ້ເກີດເຫດການນິວເຄລຍຮົ່ວໄຫຼ ໂດຍທາງການກຳອຳນາດພັກກົກມິນຕັງໃນຄາວນັ້ນ ໄດ້ພິຈາລະຈາເຖິງສຸຂະພາບແລະຊີວິດຂອງປະຊາຊົນ ໂດຍຫ້າມບໍ່ໃຫ້ນຳເຂົ້າອາຫານຈາກ 5 ແຂວງທີ່ປະສົບໄພນິວເຄລຍຂອງຍີ່ປຸ່ນ. ແຕ່ຫຼັງພັກປະຊາທິປະໄຕກ້າວໜ້າ ຂຶ້ນກຳອຳນາດໃນວັນທີ 20 ພຶດສະພາປີນີ້, ທາງການໄດ້ສະເໜີໃຫ້ນຳເຂົ້າອາຫານຈາກເຂດປະສົບໄພນິວເຄລຍຂອງຍີ່ປຸ່ນເປັນສອງໄລຍະ ແລະຈາກນີ້ຈຶ່ງເຮັດໃຫ້ປະຊາຊົນຄັດຄ້ານຢ່າງຕໍ່ເນື່ອງ.
ທັງນີ້ຈາກຜົນການສຳຫຼວດປະຊາມະຕິໃນທ້າຍເດືອນພະຈິກຜ່ານມາຊີ້ໃຫ້ເຫັນວ່າ, ປະຊາຊົນບໍ່ສະໜັບສະໜູນທ່ານນາງ ໄຊ້ຢິ່ງເວີນ ມີອັດຕາສູງກວ່າການ ສະໜັບສະໜູນແລ້ວ ເຊິ່ງສະແດງໃຫ້ເຫັນວ່າ: ພຽງແຕ່ເຄິ່ງປີຫຼັງການກຳອຳນາດຂອງທ່ານ ໄດ້ຄ່ອຍໆກາຍເປັນຝ່າຍກົງກັນຂ້າມຂອງປະຊາມະຕິສ່ວນຫຼາຍໃນນະໂຍບາຍໃຫຍ່ຕ່າງໆ ເປັນຕົ້ນ ນະໂຍບາຍສອງຝັ່ງ, ເສດຖະກິດ, ແຮງງານ, ຄວາມປອດໄພຂອງອາຫານ ແລະອື່ນໆ.