ກອງປະຊຸມການຮ່ວມມືຄັ້ງທີ 6 ຂອງໜ່ວຍວຽກງານປະສົມແຂວງຢຸນນານ ສປ ຈີນ ແລະ ສີ່ແຂວງພາກເໜືອ ສສ ຫວຽດນາມ ໄດ້ຈັດຂຶ້ນຢູ່ເມືອງຄຸນມິງ ເທດສະບານແຂວງຢຸນນານໃນວັນທີ 26 ທັນວານີ້ ໂດຍຜູ້ແທນສອງຝ່າຍໄດ້ຄົ້ນຄວ້າແລະປຶກສາຫາລືຢ່າງເລິກເຊິ່ງກ່ຽວກັບການຊຸກຍູ້ການພັດທະນາເຂດຊາຍແດນຈີນ-ຫວຽດນາມ ຢ່າງກົມກຽວ ທັງໄດ້ລົງນາມໃນເອກະສານແລະບົດບັນທຶກການຮ່ວມມື ເປັນຕົ້ນ ບົດບັນທຶກກອງປະຊຸມ, ສັນຍາຂອບການຮ່ວມມືດ້ານການຊຳລະດ້ວຍເງິນຢວນຂ້າມຊາດ ແລະອື່ນໆ.
ທ່ານເສີນຊຸ້ນ ຮອງເຈົ້າແຂວງແຂວງຢຸນນານ ຢືນຢັນວ່າ: ນັບແຕ່ການສ້າງກົນໄກກອງປະຊຸມໜ່ວຍວຽກງານປະສົມແຂວງຕົນແລະ 4 ແຂວງພາກເໜືອຫວຽດນາມຕະຫຼອດໄລຍະ 10 ປີເປັນຕົ້ນມາ ສາມາດເສີມຂະຫຍາຍບົດບາດສຳຄັນເພື່ອຮັກສາສະຖຽນລະພາບເຂດຊາຍແດນຈີນ-ຫວຽດນາມ, ຍົກລະດັບການເຊື່ອມຈອດເຂດຊາຍແດນສອງປະເທດ ແລະ ສ້າງຮູບການທີ່ຕ່າງຝ່າຍຕ່າງມີຜົນປະໂຫຍດ.
ເມື່ອເດືອນມິຖຸນາປີ 2007, ບົນພື້ນຖານປະຕິບັດຕາມຂອບຄະນະກຳມະການຊີ້ນຳການຮ່ວມມືສອງຝ່າຍຈີນ-ຫວຽດນາມ, ແຂວງຢຸນນານແລະ 4 ແຂວງພາກເໜືອຫວຽດນາມ ໄດ້ສ້າງກົນໄກກອງປະຊຸມໜ່ວຍວຽກງານປະສົມແຂວງຢຸນນານ ສປ ຈີນ ແລະ ແຂວງຮາຢາງ, ລາວກາຍ, ລາຍເຈົ່າ ແລະ ແຂວງດຽນບຽນ.
