ຕາມ​ຂ່າວ ​CRI: ວັນ​ທີ 27 ທັນວນີ້ ສະພາ​ບັນດິດ​ວິທະຍາສາດ​ສັງຄົມ​ຈີນ ​ແລະ​ຫ້ອງການ​​ແກ້​ໄຂ​ຄວາມທຸກ​ຍາກ​ຂອງ​ລັດຖະບານ​ຈີນ​ໄດ້​ຮ່ວມ​ກັນ​ເຜີຍ​ແຜ່ "ບົດ​ລາຍ​ງານ​ແກ້​ໄຂຄວາມທຸກ​ຍາກ ​ແລະ​ການ​ພັດທະນາ​ຂອງ​ຈີນ 2016" ​ໂດຍ​ຊີ້​ໃຫ້​ເຫັນ​ວ່າ, ອີງ​ຕາມ​ມາດຖານ​ຄວາມທຸກ​ຍາກ​ທີ່​ສາມາດຊື້​ສິນຄ້າໄດ້ 1,9 ​ໂດ​ລາ​ຕໍ່​ມື້​ທີ່​ກຳນົດ​ໂດຍ​ທະນາຄານ​ໂລກໃນ​ປີ 2011ນັ້ນ , ​ແຕ່​ປີ 1981-2012 ທົ່ວ​ໂລກ​ມີ​ 1 ຕື້ 100 ລ້ານ​ຄົນ​ຫຼຸ​ດພົ້ນ​ອອກ​ຈາກ​ຄວາມທຸກ​ຍາກ, ​ໃນ​ນັ້ນ ປະຊາກອນ​ຈີນ​ທີ່​ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ​ນັ້ນ​ມີ​ເຖິງ 790 ລ້ານ​ຄົນ ​ເຊິ່ງກວມ 71,82% ຂອງ​ທົ່ວ​ໂລກ.

ບົດ​ລາຍ​ງານ​ຍັງ​​ໄດ້​ສະ​ເໜີ​ເປົ້າ​ໝາຍ​ການ​​ແກ້​ໄຂຄວາມທຸກ​ຍາກ ​ແລະ​ການ​ພັດທະນາ​ຂອງ​ຈີນ​ໃນ​ໄລຍະ​ປະຕິບັດ​ແຜນການ​ພັດທະນາ 5 ປີ​ຄັ້ງ​ທີ 13 ຄື: ຮອດ​ປີ 2020, ​ເຮັດ​ໃຫ້​ຂະໜາດ​ການ​ເຕີບ​ໂຕ​ດ້ານ​ລາຍ​ຮັບ​ທີ່​​ໃຊ້​ຈ່າຍ​ໄດ້​ຂອງຊາວ​ກະສິກອນ​ຢູ່​ເຂດ​ທຸກ​ຍາກສູງ​ກວ່າ​ລະດັບ​ສະ​ເລ່ຍຂອງ​ທົ່ວ​ປະ​ເທດ, ຂົງ​ເຂດການ​ບໍລິການ​ສາທາລະນະ​ພື້ນຖານ​ຕ່າງໆ​ມີ​ມາດຖານ​ມໍ່​ກັບ​ລະດັບ​ສະ​ເລ່ຍຂອງ​ທົ່ວ​ປະ​ເທດ.