ທ່ານອານເຟິງຊານ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນ ໄດ້ກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 28 ທັນວານີ້ວ່າ: ບັນຫາໄຕ້ຫວັນໄດ້ພົວພັນເຖິງອຳນາດອະທິປະໄຕແລະຜືນແຜ່ນດິນອັນຄົບຖ້ວນຂອງຈີນ ແລະກໍແມ່ນບັນຫາທີ່ສຳຄັນແລະອ່ອນໄຫວທີ່ສຸດຕໍ່ສາຍພົວພັນລະຫວ່າງຈີນ-ອາເມລິກາ. ແນວໃດກໍດີ, ພວກຂ້າພະເຈົ້າເດັດດ່ຽວຄັດຄ້ານອາເມລິກາແລະໄຕ້ຫວັນທີ່ມີການພົວພັນລະຫວ່າງທາງການແລະທາງການທະຫານໃນທຸກຮູບແບບ ທັງເດັດດ່ຽວຄັດຄ້ານອາເມລິກາຂາຍອາວຸດຍຸດໂທປະກອນໃຫ້ໄຕ້ຫວັນ ເຊິ່ງນີ້ແມ່ນຫຼັກໝັ້ນຂອງຈີນທີ່ຈະແຈ້ງ ແລະ ສະເໝີຕົ້ນສະເໝີປາຍ.
ທ່ານອານເຟິງຊານ ກ່າວຕື່ມວ່າ: ບັນຫາໄຕ້ຫວັນໄດ້ພົວພັນເຖິງອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຈີນ ແລະກໍແມ່ນບັນຫາທີ່ອ່ອນໄຫວ ແລະ ສັບສົນທີ່ສຸດຕໍ່ສາຍພົວພັນລະຫວ່າງຈີນ-ອາເມລິກາ. ແນວໃດກໍດີ, ພວກຂ້າພະເຈົ້າຫວັງວ່າ ອາເມລິກາຈະເຄົາລົບນະໂຍບາຍປະເທດດຽວ ແລະຫຼັກການຂອງຖະແຫຼງການຮ່ວມ 3 ສະບັບລະຫວ່າງຈີນແລະອາເມລິກາ ພ້ອມທັງລະມັດລະວັງໃນການແກ້ໄຂບັນຫາທີ່ພົວພັນເຖິງໄຕ້ຫວັນ.