ສະຖາບັນຄົ້ນຄວ້າຂໍ້ມູນຂ່າວສານແລະການສື່ສານຈີນ ຄາດວ່າ ໃນປີ 2016 ທີ່ຈະຜ່ານໄປນີ້, ວິສາຫະກິດອິນເຕີເນັດຈີນຈະສາມາດສ້າງລາຍຮັບໄດ້ເຖິງ 1.240 ຕື້ຢວນສະກຸນເງິນຈີນ ແລະ ປີ 2017 ຈະບັນລຸເຖິງ 1.760 ຕື້ຢວນ ເຊິ່ງເປັນຈັງຫວະການເຕີບໂຕທີ່ສູງເຖິງກວ່າ 40%.
ຂ່າວແຈ້ງວ່າ, ຢູ່ຈີນ ອິນເຕີເນັດຍັງຄົງຮັກສາຈັງຫວະການເຕີບໂຕສູງ. ຂະນະທີ່ໃນວິສາຫະກິດອິນເຕີເນັດແຕ່ທີ 1 ຫາ 10 ທີ່ມີມູນຄ່າສູງສຸດຂອງໂລກ, ວິສາຫະກິດຈີນມີ 4 ແຫ່ງ ຄື ອາລີບາບາ(Alibaba), ເທນເຊນທ໌(Tencent), ບາຍດູ(Baidu) ແລະ ເຈດີ(JD) ໂດຍຢູ່ໃນອັນດັບທີ 4, ທີ 5, ທີ 7 ແລະ ທີ 10, ຂະນະທີ່ແຕ່ອັນດັບທີ 1 ຫາ 3 ເປັນບໍລິສັດຂອງອາເມລິກາທັງໝົດ ຄື ກູເກີນ, ເຟສບຸກ ແລະ ອາມາຊອນ.
ປັດຈຸບັນ, ວິສາຫະກິດອິນເຕີເນັດຈີນພວມເພີ່ມທະວີການລົງທຶນປະດິດສ້າງໃໝ່ຢູ່ຕ່າງປະເທດ ໂດຍອາຊີຕາເວັນອອກສຽງໃຕ້ ແລະ ອາເມລິກາລາຕິນ ຄືເປົ້າໝາຍສຳຄັນຂອງວິສາຫະກິດອິນເຕີເນັດຈີນໃນການເຈາະຕະຫຼາດທີ່ພັດທະນາຈະເລີນໃໝ່ ແລະຈະກະຈາຍທຶນ, ເຕັກນິກ ແລະ ບົດຮຽນການບໍລິຫານຂອງບໍລິສັດຕົນຕື່ມອີກ.