ວັນທີ 3 ມັງກອນນີ້, ສູນຂໍ້ມູນແພດສາດພື້ນເມືອງຈີນແຂວງຢຸນນານ, ສູນຂໍ້ມູນແພດສາດພື້ນເມືອງຈີນຂອງສະຖາບັນວິທະຍາສາດແພດສາດພື້ນເມືອງຈີນສາຂາຢຸນນານໄດ້ສ້າງຕັ້ງຂຶ້ນຢູ່ສະຖາບັນແພດສາດພື້ນເມືອງຈີນແຂວງຢຸນນານ ເຊິ່ງສອງສູນດັ່ງກ່າວຈະເນັ້ນການພັດທະນາຮ່ວມໃນຂົງເຂດແພດສາດພື້ນເມືອງຈີນຂອງແຂວງຢຸນນານ ເພື່ອກາຍເປັນສູນລວມທົ່ວອາຊີຕາເວັນອອກສຽງໃຕ້ແລະອາຊີໃຕ້.
ແຂວງຢຸນນານຕັ້ງຢູ່ໃກ້ອາຊີຕາເວັນອອກສຽງໃຕ້ແລະອາຊີໃຕ້,ເປັນໜຶ່ງໃນເຂດລວມສູນທີ່ມີຊີວະນາໆພັນຢ່າງອຸດົມສົມບູນຂອງໂລກ ໂດຍໃນຊຸມປີຜ່ານມາ, ແຂວງດັ່ງກ່າວໄດ້ນຳໃຊ້ທ່າແຮງດ້ານພູມສັນຖານ ເພີ່ມທະວີການແລກປ່ຽນກັບອາຊີຕາເວັນອອກສຽງໃຕ້ແລະອາຊີໃຕ້ຢ່າງຕັ້ງໜ້າດ້ວຍການຈັດ "ກອງປະຊຸມແລກປ່ຽນແພດສາດພື້ນເມືອງຂອງອະນຸພາກພື້ນແມ່ນ້ຳຂອງ"ແລະອື່ນໆ ສົ່ງຜົນເຮັດໃຫ້ສາມາດຍົກອິດທິພົນຂອງແພດສາດພື້ນເມືອງຈີນຢູ່ປະເທດອ້ອມຂ້າງ.