ສື່ມວນຊົນອີຣານລາຍງານວ່າ: ທ່ານອັກບາ ຮາເຊມີ ຣາຟຊານຈານີ ອະດີດປະທານາທິບໍດີອີຣານໄດ້ເຖິງແກ່ມໍລະນະກຳຍ້ອນເຈັບປ່ອຍຢູ່ນະຄອນຫຼວງເຕເຮຣານໃນວັນທີ 8 ມັງກອນນີ້,ລວມອາຍຸໄດ້ 82 ປີ.
ທ່ານຣາຟາຊານຈານີເປັນໜຶ່ງໃນບັນດາບຸກຄົນທີ່ມີບົດບາດສູງສຸດໃນເວທີການເມືອງອີຣານ. ທ່ານເກີດເມື່ອເດືອນສິງຫາປີ 1934 ຢູ່ແຂວງເຄີມານ ປະເທດອີຣານ. ໃນຍາມໜຸ່ມ,ທ່ານໄດ້ເຄື່ອນໄຫວຕິດຕາມທ່ານໂຮເມນີ ຜູ້ນຳສູງສຸດແລະຜູ້ນຳປະຕິວັດອິສລາມອີຣານ. ທ່ານຣາຟຊານຈານີດຳລົງຕຳແໜ່ງປະທານາທິບໍດີອີຣານແຕ່ປີ 1989 ຫາປີ 1997 ແລະປີ 2007, ທ່ານໄດ້ຮັບເລືອກຕັ້ງເປັນປະທານສະພາຊ່ຽວຊານອີຣານ.
