ທ່ານລູຄ່າງ ໂຄສົກກະຊວງການຕ່າງປະເທດຈີນຢືນຢັນໃນການຖະແຫຼງຂ່າວຂອງກະຊວງຕົນໃນວັນທີ 9 ມັງກອນນີ້ວ່າ: ຫຼາຍມື້ຜ່ານມາ, ຄະນະຈັດຕັ້ງປະຊາຊົນ ສ ເກົາຫຼີໄດ້ຕັ້ງຮູບປັ້ນ "ນາງບຳເລີ"ຢູ່ໜ້າປະຕູສະຖານກົງສຸນໃຫຍ່ຍີ່ປຸ່ນປະຈຳເມືອງບູຊານ ເຊິ່ງເຮັດໃຫ້ຂໍ້ຂັດແຍ້ງທາງການທູດລະຫວ່າງຍີ່ປຸ່ນ-ສ ເກົາຫຼີຮຸນແຮງຂຶ້ນໂດຍຈີນໄດ້ເອົາໃຈໃສ່ຕໍ່ການຜັນແປຂອງສະຖານະການດັ່ງກ່າວ. ຄວາມຈິງ ມັນເປັນຂໍ້ຂັດແຍ້ງລະຫວ່າງສອງປະເທດດັ່ງກ່າວ, ແຕ່ບັນຫາ "ນາງບຳເລີ"ເປັນອາຊະຍາກຳທີ່ໄຮ້ມະນຸດສະທຳຢ່າງໜັກໜ່ວງທີ່ກຸ່ມລັດທິຂຸນເສິກຍີ່ປຸ່ນສ້າງຂຶ້ນຢູ່ຫຼາຍປະເທດໃນໄລຍະສົງຄາມໂລກຄັ້ງທີສອງ.ຈາກນີ້,ຈີນຈິ່ງເຫັນວ່າ ຍີ່ປຸ່ນຈຳເປັນຕ້ອງໄດ້ທົບທວນຄືນຢ່າງຈິງຈັງ ຫາກບໍ່ແມ່ນຫຼົບຫຼີກບັນຫາ.
ທ່ານລູຄ່າງຢືນຢັນວ່າ ເມື່ອຜູ້ນຳຍີ່ປຸ່ນເດີນທາງໄປໄວ້ອາໄລດວງວິນຍານຜູ້ເສຍຊີວິດຢູ່ທ່າກຳປັ່ນ Pearl ໃນໄລຍະສົງຄາມໂລກຄັ້ງທີສອງໄດ້ ແຕ່ເປັນຫຍັງຕໍ່ປະເທດໃກ້ຄຽງໃນອາຊີທີ່ໄດ້ຮັບຜົນເສຍຫາຍໜັກໜ່ວງທີ່ສຸດຈາກລັດທິຂຸນເສິກຍີ່ປຸ່ນພັດເມີນເສີຍ ໂດຍສະເພາະນັກການເມືອງສຳຄັນຍີ່ປຸ່ນຫຼັງກັບມາຈາກທ່າກຳປັ່ນ Pearl ແລ້ວກໍເດີນທາງໄປເຄົາລົບຫໍໄຫວ້ຢາຊືຄຸນິເພື່ອກາບໄຫວ້ອາຊະຍາກຳສົງຄາມຊັ້ນໜຶ່ງໂດຍກົງເລີຍ ເຊິ່ງການປະພຶດຂອງຜູ້ນຳຍີ່ປຸ່ນທີ່ບໍ່ທົບທວນຄືນບັນຫາປະຫວັດສາດຄືແນວນີ້ເປັນເລື່ອງຍາກທີ່ຈະເຮັດໃຫ້ຊາວໂລກຮູ້ສຶກເຖິງຄວາມຈິງໃຈ,ຄວາມໜ້າເຊື່ອຖືແລະຄວາມຊື່ສັດຂອງຍີ່ປຸ່ນໄດ້.