ຈີນປະສົບຜົນສຳເລັດໃນການຜະລິດບູກບີ່ບິກເອງ

ກຸ່ມບໍລິສັດເຫຼັກກ້າໄທ້ຢວນຈີນໄດ້ຖະແຫຼງຢ່າງເປັນທາງການໃນວັນທີ 10 ມັງກອນນີ້ວ່າ ຫຼັງພະຍາຍາມມາເປັນເວລາ 5 ປີ, ວັດສະດຸສະແຕນເລດສຳລັບໃຊ້ໃນການຜະລິດລູກບີ່ບິກທີ່ຄົ້ນຄວ້າຜະລິດເອງນັ້ນໄດ້ຮັບການຍອມຮັບຈາກໂຮງງານທີ່ມີຊື່ສຽງພາຍໃນປະເທດໂດຍການນຳໄປຜະລິດບິກເມື່ອມໍ່ໆນີ້ດ້ວຍຄຸນນະພາບສູງແລະມີມາດຕະຖານເທົ່າທຽມກັບຜະລິດຕະພັນຂອງສາກົນ. ປັດຈຸບັນ,ວັດສະດຸດັ່ງກ່າວສາມາດຜະລິດໃນປະລິມານຫຼວງຫຼາຍແລະສາມາດຢຸດການນຳເຂົ້າເທື່ອລະກ້າວນັ້ນໄດ້ແລ້ວ.

ຈີນເປັນປະເທດຜູ້ຜະລິດບິກສຳຄັນໃນໂລກ ໂດຍມີ300ກວ່າຫົວໜ່ວຍທຸລະກິດຜະລິດບິກ ແລະຜູ້ປະກອບການ 2 ແສນກວ່າຄົນເຊິ່ງແຕ່ລະປີສາມາດຜະລິດບິກໄດ້ຫຼາຍເຖິງ 40 ຕື້ກ້ານ. ແຕ່ແນວໃດກໍດີສຳລັບເຕັກນິກການຜະລິດລູກບີ່ບິກພ້ອມດ້ວຍອຸປະກອນຜະລິດບູກບີ່ບິກນັ້ນຕ້ອງໄດ້ນຳເຂົ້າຢ່າງຕໍ່ເນື່ອງ. ຈາກນີ້ຈິ່ງເຫັນວ່າ ການທີ່ຈີນປະສົບຜົນສຳເລັດໃນການເປັນເຈົ້າຄົ້ນຄວ້າຜະລິດລູກບີ່ບິກດ້ວຍຕົນເອງນັ້ນຖືວ່າເປັນການບຸກທະລຸຢ່າງເຖິງຖອງທີ່ສຸດ.