ຕາມຂ່າວສານຈີນ: ທ່ານ ລິວເຈີ້ນມິນ ຮອງລັດຖະມົນຕີກະຊວງການຕ່າງປະເທດຈີນ ກ່າວຢູ່ນະຄອນຫຼວງປັກກິ່ງໃນວັນທີ 11 ມັງກອນນີ້ວ່າ, ນັບແຕ່ຈີນແລະປະເທດໃນອາຊຽນລົງນາມໃນ "ຖະແຫຼງການແຫ່ງການປະພຶດຂອງບັນດາຝ່າຍຢູ່ທະເລຈີນໃຕ້" ເມື່ອປີ 2002 ເປັນຕົ້ນມາ, ຝ່າຍຕ່າງໆ ໄດ້ພະຍາຍາມຈັດຕັ້ງປະຕິບັດຖະແຫຼງການດັ່ງກ່າວຕະຫຼອດມາ ແລະປັດຈຸບັນ, ການປຶກສາຫາລື "ກົດແຫ່ງການປະພຶດຢູ່ທະເລຈີນໃຕ້" ໄດ້ເຂົ້າສູ່ໄລຍະທີ່ສຳຄັນທີ່ສຸດ ເຊິ່ງໃນຫຼາຍເດືອນຕໍ່ໜ້າ, ຈີນຈະສືບຕໍ່ພະຍາຍາມເຮັດວຽກງານນີ້ ແລະພະຍາຍາມເຮັດໃຫ້ "ຮ່າງຂອບຂອງກົດດັ່ງກ່າວສຳເລັດໃນ 6 ເດືອນຕົ້ນປີນີ້.
ໃນກອງປະຊຸມລັດຖະມົນຕີການຕ່າງປະເທດຈີນ-ປະເທດໃນອາຊຽນທີ່ຈັດຂຶ້ນເມື່ອເດືອນກໍລະກົດປີຜ່ານມາ, ລັດຖະມົນຕີການຕ່າງປະເທດຈີນໄດ້ສະເໜີວິໄສທັດ 4 ຂໍ້ກ່ຽວກັບການລົງເລິກການຮ່ວມມືກັບປະເທດໃນອາຊຽນຕໍ່ບັນຫາທະເລຈີນໃຕ້ ເຊິ່ງລວມທັງຜົນສຳເລັດຂອງການປຶກສາຫາລືຮ່າງຂອບດັ່ງກ່າວກັບປະເທດໃນອາຊຽນໃນ 6 ເດືອນຕົ້ນປີນີ້.