ທ່ານສີຈິ້ນຜິງສົ່ງສານສະແດງຄວາມເຫັນໃຈໄປຍັງເຈົ້າຊີວິດມະຫາວະຊິຣະລົງກອນຂອງໄທກ່ຽວກັບພາກໃຕ້ຂອງໄທເກີດໄພນ້ຳຖ້ວມ
2017-01-14 10:45:28 cri
ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 13 ມັງກອນນີ້ ທ່ານສີຈິ້ນຜິງ ປະທານປະເທດຈີນໄດ້ສົ່ງສານສະແດງຄວາມເຫັນໃຈໄປຍັງເຈົ້າຊີວິດມະຫາວະຊິຣະລົງກອນຂອງໄທກ່ຽວກັບພາກໃຕ້ໄທເກີດໄພນ້ຳຖ້ວມຢ່າງໜັກໜ່ວງ.
ໃນສານສະແດງຄວາມເຫັນໃຈ, ທ່ານສີຈິ້ນຜິງຊີ້ອອກວ່າ, ຈີນ-ໄທແມ່ນປະເທດໃກ້ຄຽງທີ່ມີມິດຕະພາບຕໍ່ກັນ. ຈີນຍິນດີໃຫ້ການຊ່ວຍເຫຼືອກູ້ໄພແກ່ໄທໂດຍອີງຕາມຄວາມຮຽກຮ້ອງຕ້ອງການຂອງໄທ. ເຊື່ອວ່າພາຍໃຕ້ການນຳພາຂອງເຈົ້າຊີວິດ ແລະລັດຖະບານໄທ, ປະຊາຊົນໄທຍ່ອມຈະເອົາຊະນະໄພພິບັດແລະສ້າງບ້ານແປງເມືອງຄືນໃໝ່ໄດ້.
ມື້ດຽວກັນ ທ່ານຫຼີເຄີ້ສຽງ ນາຍົກລັດຖະມົນຕີຈີນກໍ່ໄດ້ສ່ົງສານສະແດງຄວາມເຫັນໃຈໄປຍັງທ່ານປຣາຢຸດ ຈັນໂອຊາ ນາຍົກລັດຖະມົນຕີໄທກ່ຽວກັບພາກໃຕ້ໄທເກີດໄພນ້ຳຖ້ວມຢ່າງໜັກໜ່ວງ.
