"ສະຫຼອງບຸນກຸດຈີນ 2017 ງານດົນຕີປີໃໝ່ຈີນ" ໄດ້ຈັດຂຶ້ນຢ່າງຄຶກຄື້ນຢູ່ນະຄອນຫຼວງພະນົມເປັນ ປະເທດກຳປູເຈຍໃນຕອນຄ່ຳວັນທີ 17 ມັງກອນນີ້.
ທ່ານຮໍນາມຮົງ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງປະເທດກຳປູເຈຍ ໄດ້ກ່າວວ່າ: ການປະສົມປະສານດົນຕີແລະການຟ້ອນເຕັ້ນລະຫວ່າງກຳປູເຈຍແລະຈີນ ເປັນການສະແດງໃຫ້ເຫັນເຖິງສະພາບຄວາມເປັນຈິງແຫ່ງການແລກປ່ຽນດ້ານວັດທະນະທຳລະຫວ່າງສອງປະເທດ. ຂະນະທີ່ການໄປມາຫາສູ່ກັນໃນຂົງເຂດຕ່າງໆຂອງປະຊາຊົນສອງຊາດ ກໍເປັນການຊຸກຍູ້ການແລກປ່ຽນແລະສ້າງຄວາມເຂົ້າໃຈກັນຢ່າງເລິກເຊິ່ງລະຫວ່າງສອງຝ່າຍ ແລະເຊື່ອວ່າຈະມີກິດຈະກຳແລກປ່ຽນໃນລັກສະນະນີ້ຫຼາຍຍິ່ງຂຶ້ນໃນຕໍ່ໜ້າ.
ໃນງານດັ່ງກ່າວ, ສິລະປິນການສະແດງຈາກສະຖາບັນວັດທະນະທຳແລະສິລະປະ ເປັນຕົ້ນ ຄະນະດົນຕີແບບບູຮານຮວາເຊ້ຍຂອງຫໍພິພິທະພັນເຫີໜານຈີນ, ກະຊວງວັດທະນະທຳແລະສິລະປະກຳປູເຈຍ, ສະມາຄົມສິລະປິນຄົກທ໌ລອກກຳປູເຈຍ ແລະ ຄະນະຟ້ອນເຕັ້ນຖະໜົນ(Street Dance )ນັກສຶກສາກຳປູເຈຍ ໄດ້ເຂົ້າຮ່ວມສະແດງ.