ຕາມຂ່າວສານຈີນ:ທ່ານຊຸນຈີ້ເຫວິນ ໂຄສົກກະຊວງການຄ້າຈີນກ່າວຢູ່ປັກກິ່ງໃນວັນທີ 19 ມັງກອນນີ້ວ່າ,ຈີນຍິນດີຮ່ວມມືກັບລັດຖະບານອາເມລິກາຊຸດໃໝ່ເພື່ອສືບຕໍ່ຊຸກຍູ້ສາຍພົວພັນເສດຖະກິດການຄ້າຈີນ-ອາເມລິກາໃຫ້ພັດທະນາຢ່າງໜັກແໜ້ນແລະປອດໃສ.
ທ່ານຊຸນຈີ້ເຫວິນກ່າວໃນການຖະແຫຼງຂ່າວໃນວັນດັ່ງກ່າວວ່າ,ນັບແຕ່ຈີນ-ອາເມລິກາສ້າງສາຍສຳພັນການທູດເປັນຕົ້ນມາ,ການຮ່ວມມືເສດຖະກິດການຄ້າສອງຝ່າຍຈາກບໍ່ມີມາສູ່ມີ,ຈາກນ້ອຍຫາໃຫຍ່,ຂົງເຂດຮ່ວມມືໄດ້ເປີດກວ້າງຢ່າງບໍ່ຢຸດຢັ້ງ,ພື້ນຖານການຮ່ວມມືນັບມື້ໝັ້ນຄົງແລະກາຍເປັນສະພາບການທີ່ສ້າງຜົນປະໂຫຍດໃຫ້ແກ່ກັນ.ຂະນະດຽວກັນກໍເຊື່ອວ່າຈີນ-ອາເມລິກາສາມາດແກ້ໄຂບັນຫາແລະຄວາມເຫັນຕ່າງກັນທີ່ເກີດຂຶ້ນດ້ວຍການສົນທະນາແລະຮ່ວມມືກັນ. "ພວກເຮົາຍິນດີຮ່ວມມືກັບລັດຖະບານອາເມລິກາຊຸດໃໝ່ເພື່ອສືບຕໍ່ຊຸກຍູ້ການພົວພັນເສດຖະກິດການຄ້າຈີນ-ອາເມລິກາໃຫ້ພັດທະນາຢ່າງໜັກແໜ້ນແລະປອດໃສເພື່ອສ້າງຄວາມສຸກໃຫ້ແກ່ປະຊາຊົນສອງຊາດ."
 |
