ການປະຕິບັດໜ້າທີ່ລາດຕະເວນຮ່ວມຕາມລຳແມ່ນ້ຳຂອງເທື່ອທີ 54 ຂອງຈີນ,ລາວ,ມຽນມາແລະໄທໄດ້ເລີ່ມຂຶ້ນຢ່າງເປັນທາງການໃນວັນທີ 20 ມັງກອນນີ້ ແລະການລາດຕະເວນຮ່ວມເທື່ອນີ້ເປັນການປະຕິບັດໜ້າທີ່ເທື່ອທຳອິດຫຼັງກອງປະຊຸມລັດຖະມົນຕີການສ້າງຕັ້ງກົນໄກຮ່ວມມືປະຕິບັດກົດໝາຍຮັກສາຄວາມປອດໄພຕາມລຳແມ່ນ້ຳຂອງຄົບຮອບ 5 ປີເມື່ອເດືອນທັນວາປີ 2016 ຜ່ານມາ ທັງເປັນການລາດຕະເວນເທື່ອທຳອິດໃນປີ 2017 ນີ້ ໂດຍຈະດຳເນີນ ເປັນເວລາ 4 ມື້ 3 ຄືນ ແລະ 4 ປະເທດດັ່ງກ່າວຈະພ້ອມກັນເລີ່ມປະຕິບັດໜ້າທີ່ລາດຕະເວນຮ່ວມຕາມລຳແມ່ນ້ຳຂອງໂດຍແບ່ງເປັນຍ່ານ ແລະເມື່ອບັນຈົບພົບກັນແລ້ວກໍຈະຮ່ວມກັນລາດຕະເວນທົ່ວລຳແມ່ນ້ຳຂອງ.
ກົມຄຸ້ມຄອງຊາຍແດນກະຊວງປ້ອງກັນຄວາມສະຫງົບຈີນເປີດເຜີຍວ່າ: ນັບມາຮອດປັດຈຸບັນ, ຈີນ,ລາວ,ມຽນມາແລະໄທໄດ້ດຳເນີນການລາດຕະເວນຮ່ວມຕາມທົ່ວລຳແມ່ນ້ຳຂອງ 53 ເທື່ອໃນໄລຍະການເດີນເຮືອລວມ 2 ໝື່ນ 6000 ກິໂລແມັດ, ໃຊ້ເວລາລວມທັງໝົດ 1735 ຊົ່ວໂມງ ແລະປະສົບຜົນສຳເລັດໃນການຊ່ວຍເຫຼືອເຮືອການຄ້າ 116 ລຳເທື່ອ, ລູກເຮືອ 454 ຄົນ, ນັບລວມແລ້ວສາມາດກູ້ເອົາຜົນເສຍຫາຍດ້ານເສດຖະກິດຂອງປະຊາຊົນບັນດາປະເທດລຸ່ມແມ່ນ້ຳຂອງເຖິງ 18 ລ້ານຢວນຫຼືປະມານ 2 ລ້ານ 6 ແສນ 2 ໝື່ນໂດລາສະຫະລັດ.
 |
