ຕາມຂ່າວ CRI: ວັນທີ 20 ມັງກອນນີ້, ງານວາງສະແດງການທ່ອງທ່ຽວສາກົນມຽນມາຄັ້ງທຳອິດໄດ້ໄຂຂຶ້ນຢູ່ນະຄອນຢາງກຸ້ງປະເທດດັ່ງກ່າວ.
ງານວາງສະແດງທີ່ຈະດຳເນີນເປັນເວລາ 3 ວັນເທື່ອນີ້ກໍເພື່ອຊຸກຍູ້ຂະແໜງການທ່ອງທ່ຽວຂອງມຽນມາທີ່ຫຼ້າຫຼັງຍ້ອນຖືກປິດລ້ອມມາເປັນເວລາດົນນານ. ຂະນະທີ່ສະມາຄົມຂະແໜງການທ່ອງທ່ຽວມຽນມາກໍຫວັງວ່າງານວາງສະແດງເທື່ອນີ້ຈະມີຜົນດີຕໍ່ການພັດທະນາການທ່ອງທ່ຽວພາຍໃນແລະຕ່າງປະເທດ.
ງານວາງສະແດງເທື່ອນີ້ໄດ້ດຶງດູດ 124 ບໍລິສັດລວມທັງໂຮມແຮມ, ບໍລິສັດທ່ອງທ່ຽວ, ບໍລິສັດການບິນ, ບໍລິສັດປະກັນໄພແລະອົງການອື່ນໆທີ່ກ່ຽວຂ້ອງການທ່ອງທ່ຽວມາເຂົ້າຮ່ວມ.
ງານວາງສະແດງເທື່ອນີ້ຈະອັດລົງໃນວັນທີ 22 ເດືອນນີ້.