ຕາມຂ່າວສານຊິນຮວາ: ທ່ານ ໂດນັນ ທຣຳ ປະທານາທິບໍດີອາເມລິກາ ກ່າວໃນພິທີສາບານຕົວຂຶ້ນຮັບຕຳແໜ່ງຂອງທີ່ປຶກສາຊັ້ນສູງຂອງທຳນຽບຂາວເມື່ອວັນທີ 22 ມັງກອນນີ້ວ່າ, ຕົນຈະພົບປະກັບຜູ້ນຳການາດາແລະແມັກຊິກໃນໄວໆນີ້ ເພື່ອປຶກສາຫາລືບັນຫາການຄ້າແລະອື່ນໆ.
ທ່ານ ທຣຳ ໄດ້ກ່າວເຖິງນະໂຍບາຍການຄ້າໂດຍຜ່ານເວັບໄຊຂອງທຳນຽບຂາວໃນມື້ສາບານຕົວຂຶ້ນຮັບຕຳແໜ່ງເມື່ອວັນທີ 20 ມັງກອນນີ້ວ່າ, ໜ້າທີ່ອັບດັບໜຶ່ງຄືຖອນອອກຈາກສັນຍາການພົວພັນຄູ່ຂ້າມປາຊິຟິກ ຫຼື TPP ແລະຈະເຈລະຈາສັນຍາການຄ້າເສລີອາເມລິກາເໜືອຄືນໃໝ່.
ຂະນະທີ່ສື່ອາເມລິກາລາຍງານວ່າ, ທ່ານ ວິນເບີ ຣົສ ວ່າທີ່ລັດຖະມົນຕີການຄ້າອາເມລິກາ ໄດ້ແຈ້ງຄວາມເຫັນກ່ຽວກັບການເຈລະຈາສັນຍາການຄ້າເສລີອາເມລິກາເໜືອໃຫ້ລັດຖະບານການາດາຊາບແລ້ວ. ສ່ວນລັດຖະບານການາດາແລະແມັກຊິກກໍໄດ້ກ່າວຫວ່າງມໍ່ໆນີ້ວ່າ ຍິນດີປຶກສາຫາລືການຍົກລະດັບສັນຍາດັ່ງກ່າວ.