ແຫຼ່ງຂ່າວຈາກສະໜາມບິນນະຄອນຫຼວງປັກກິ່ງ ສປ ຈີນ ໃຫ້ຮູ້ວ່າ, ວັນທີ 24 ມັງກອນນີ້, ຈຳນວນຜູ້ໂດຍສານໄດ້ຂີ່ຍົນກັບບ້ານເກີດເພື່ອສະຫຼອງບຸນກຸດຈີນເພີ່ມຂຶ້ນຢ່າງຫຼວງຫຼາຍ. ທັງນີ້, ຄຽງຄູ່ກັບບຸນກຸດຈີນໄດ້ຫຍັບເຂົ້າມາທຸກຂະນະ, ສະໜາມບິນນະຄອນຫຼວງປັກກິ່ງກໍເຂົ້າສູ່ໄລຍະທີ່ມີຜູ້ໂດຍສານເປັນຈຳນວນຫຼາຍ ໂດຍໃນວັນດັ່ງກ່າວ, ຄາດວ່າຈະມີຜູ້ໂດຍສານອອກເດີນທາງເຖິງ 116.000 ເທື່ອຄົນ ແລະໃນໄລຍະນີ້ ແຕ່ລະມື້ຈະມີຍົນຫຼາຍກວ່າ 1.900 ລຳໃຫ້ການບໍລິການ ແລະໃນໄລຍະຖີ່ທີ່ສຸດຈະມີຍົນຂຶ້ນ ແລະ ລົງຈອດ 45 ວິນາທີຕໍ່ລຳ.
ໃນໄລຍະບຸນກຸດຈີນ 2017 ນີ້, ຄາດວ່າ ບໍລິສັດການບິນພົນລະເຮືອນຈີນຈະບິນບໍລິການ 470.000 ຖ້ຽວ ແລະບັນຈຸຫຼາຍກວ່າ 70 ລ້ານບ່ອນນັ່ງ ທັງຄາດວ່າຈະຂົນສົ່ງຜູ້ໂດຍສານບັນລຸເຖິງ 58 ລ້ານ 3 ແສນເທື່ອຄົນ ເພີ່ມຂຶ້ນ 10% ເມື່ອທຽບໃສ່ໄລຍະບຸນກຸດຈີນປີ 2016 ຜ່ານມາ ແລະເປັນຈັງຫວະການເຕີບໂຕສູງກວ່າໝູ່ທຽບໃສ່ຮູບການຂົນສົ່ງອື່ນໆ.