ສື່ມວນຊົນສ ເກົາຫຼີລາຍງານວ່າ: ວັນທີ 24 ມັງກອນນີ້,ລັດຖະບານຟີລິບປິນໄດ້ກ່າວຂໍໂທດຕໍ່ກໍລະນີທີ່ນັກທຸລະກິດສ ເກົາຫຼີຖືກຕຳຫຼວດຟີລິບປິນລັກພາຕົວແລະລອບສັງຫານຢູ່ປະເທດຕົນ ແລະວັນດຽວກັນ, ທ່ານເອເນັສໂຕ ອາເບລາ ໂຄສົກປະທານາທິບໍດີຟີລິບປິນໄດ້ສະແດງຄວາມເສົ້າສະຫຼົດໃຈຕໍ່ຄອບຄົວຜູ້ເສຍຊີວິດ ທັງກ່າວຂໍໂທດຕໍ່ລັດຖະບານແລະປະຊາຊົນສ ເກົາຫຼີເນື່ອງຈາກບໍ່ສາມາດຊ່ວຍຊີວິດຜູ້ກ່ຽວໄດ້.
ທ່ານອາເບລາຢືນຢັນວ່າ ລັດຖະບານຟີລິບປິນກຳລັງລະດົມທຸກໆກຳລັງຈາກຕຸລາການເພື່ອສືບສວນສອບສວນເຫດການເທື່ອນີ້ ທັງສະແດງຄວາມເສຍໃຈຫຼັງເກີດຄະດີດັ່ງກ່າວ.
ກ່ອນໜ້ານີ້, ກະຊວງການຕ່າງປະເທດຟີລິບປິນກໍໄດ້ຢືນຢັນໃນວັນທີ 21 ມັງກອນນີ້ວ່າ: ຊາວຟີລິບປິນ 3 ຄົນ ໃນນີ້ ຕຳຫຼວດ 2 ຄົນຖືກຈັບຕົວໃນວັນທີ 20 ເດືອນດຽວກັນຍ້ອນຖືກສົງໄສວ່າໄດ້ລັກພາຕົວແລະລອບສັງຫານນັກທຸລະກິດສ ເກົາຫຼຜູ້ໜຶ່ງີທີ່ເຮັດວຽກຢູ່ຟີລິບປິນໃນນາມ "ປາບປາມຢາເສບຕິດ"ເມື່ອເດືອນຕຸລາປີຜ່ານມາ ທັງຕົວະວ່າ ຜູ້ຖືກເຄາະຮ້າຍຍັງມີຊີວິດຢູ່ເພື່ອຮຽກຄ່າໄຖ່ຈາກຄອບຄົວຜູ້ກ່ຽວ.