ເນື່ອງໃນໂອກາດປີໃໝ່ຈີນວຽນມາເຖິງ, ທ່ານ ອັນໂຕນີໂອ ກູເຕີເຣສ (António Guterres) ເລຂາທິການໃຫຍ່ສະຫະປະຊາຊາດໂດຍຜ່ານວິດີໂອອວຍພອນປີໃໝ່ຕໍ່ປະຊາຊົນຈີນ ແລະ ຊາວຈີນທົ່ວໂລກ.
ກ່ອນອື່ນໝົດ, ທ່ານກ່າວ "ສະບາຍດີປີໃໝ່ຈີນ" ດ້ວຍພາສາອັງກິດ, ແລ້ວກໍ່ເວົ້າ "ສະບາຍດີປີໃໝ່" ດ້ວຍພາສາຈີນ.
ທ່ານກູເຕີເຣສກ່າວວ່າ, "ຂ້າພະເຈົ້າຮຽກຮ້ອງໃຫ້ປີ 2017 ເປັນປີແຫ່ງສັນຕິພາບ. ພວກເຮົາຕ້ອງພ້ອມກັນແກ້ໄຂບັນຫາການປະທະກັນ, ຕໍ່ຕ້ານການກະທຳທີ່ລະເມີດສິດທິມະນຸດ, ລົບລ້າງຄວາມທຸກຍາກ, ແກ້ໄຂວິກິດການອື່ນໆ. ທີ່ສຳຄັນນັ້ນແມ່ນ, ຕ້ອງປ້ອງກັນບໍ່ໃຫ້ບັນຫາດັ່ງກ່າວເຫຼົ່ານີ້ເກີດຂຶ້ນ, ກັນດີກວ່າແກ້, ພວກເຮົາຕ້ອງຖືການປ້ອງກັນເປັນໜ້າທີ່ສຳຄັນທີ່ສຸດ."
ໃນຕອນທ້າຍ, ທ່ານກູເຕີເຣສຍັງເວົ້າເປັນພາສາຈີນວ່າ "新年快乐(ຊີ່ນນຽນຄ້ວຍເລີ້)" ແລະ "谢谢(ເຊ້ຍໆ)" ເຊິ່ງມີຄວາມໝາຍວ່າໂຊກດີປີໃໝ່ ແລະ ຂອບໃຈ.