ວັນທີ 28 ມັງກອນນີ້, ຢູ່ປາຣີ, ທ່ານເຈນ ມາກ ໄອລອດ ລັດຖະມົນຕີກະຊວງການຕ່າງປະເທດຝຣັ່ງກ່າວວ່າ, ຂໍ້ຕົກລົງຈຳກັດຊາວອົບພະຍົບຢ່າງເຂັ້ມງວດຂອງທ່ານຕຣຼາມ ປະທານາທິບໍດີອາເມລິກາໃນຫວ່າງມໍ່ໆນີ້ໜ້າເປັນຫ່ວງຫຼາຍ.
ສື່ມວນຊົນຝຣັ່ງລາຍງານວ່າ, ມື້ດຽວກັນ, ໃນເວລາພົບປະກັບທ່ານຊິກມາ ກາບຣີວ ລັດຖະມົນຕີກະຊວງການຕ່າງປະເທດເຢັຍລະມັນຜູ້ໃໝ່, ທ່ານໄອລອດກ່າວວ່າ, "ພວກຂ້າພະເຈົ້າໄດ້ລົງນາມໃນສັນຍາສາກົນຈຳນວນໜຶ່ງ, ຮັບເອົາຊາວອົບພະຍົບຍ້ອນໄພສົງຄາມແມ່ນພັນທະໜ້າທີ່ຂອງພວກຂ້າພະເຈົ້າ."
ວັນທີ 27 ມັງກອນນີ້, ທຳນຽບ 5 ແຈ ຫຼື ກະຊວງປ້ອງກັນປະເທດອາເມລິກາ, ທ່ານໂດນາດ ຕຣາມ ປະທານາທິບໍດີອາເມລິກາໄດ້ອອກຄຳສັ່ງດ້ານການບໍລິຫານກ່ຽວກັບຊາວອົບພະຍົບ ແລະ ຊາວຍົກຍ້າຍຖິ່ນຖານ. ອີງຕາມຄຳສັ່ງ, ກະຊວງການຕ່າງປະເທດອາເມລິກາຈະຢຸດເຊົາໃຫ້ຊາວອົບພະຍົບເຂົ້າເມືອງເປັນການຊົ່ວຄາວພາຍໃນ 120 ມື້ຕໍ່ໜ້າ, ແລະຢຸດຕິການອອກວິຊາໃຫ້ພົນລະເມືອງ 7 ປະເທດ, ຄື, ອີຣານ, ຊູດັງ, ຊີຣີ, ລີບີ, ໂຊມາລີ, ເຢແມນ ແລະ ອີຣັກພາຍໃນ 90 ມື້ຕໍ່ໜ້າ, ຫ້າມບໍ່ໃຫ້ຊາວອົບພະຍົບຊີຣີເຂົ້າສູ່ອາເມລິກາເປັນການຖາວອນ, ໃຫ້ຈຳນວນຊາວອົບພະຍົບຈາກແຫຼ່ງຕ່າງໆໃນໂລກທີ່ອາເມລິກາມີແຜນຈະຮັບເອົາໄວ້ນັ້ນຫຼຸດລົງຮອດ 5 ໝື່ນຄົນ,ຄື ຫຼຸດລົງຫຼາຍກວ່າ 50%.
