ຕອນຄ່ຳວັນທີ 28 ມັງກອນນີ້, ງານລາຕີສະຫຼອງບຸນກຸດຈີນ "ຄວາມຮັກແພງຂອງຈີນ,ສະຫຼອງບຸນກຸດຈີນຢູ່ຢ້າງກຸ້ງ"ໄດ້ຈັດຂຶ້ນຢູ່ນະຄອນຢ້າງກຸ້ງປະເທດມຽນມາ, ໂດຍທ່ານເສີນເສີນ, ອັກຄະລັດຖະທູດທີ່ປຶກສາຂອງສະຖານທູດຈີນປະຈຳມຽນມາ, ທ່ານມອງມອງໂຊ ເຈົ້າຄອງນະຄອນຢ້າງກຸ້ງ ພ້ອມດ້ວຍຫົວໜ້າແລະຜູ້ຕາງໜ້າອົງການຈັດຕັ້ງມິດຕະພາບຈີນມຽນມາ ເຂົ້າຮ່ວມ.
ກິດຈະກຳການສະແດງ "ຄວາມຮັກແພງຂອງຈີນ" ແມ່ນໜຶ່ງໃນບັນດາກິດຈະກຳ "ຄວາມຮັກແພງຂອງຈີນ"ທີ່ສະມາຄົມຊາວຈີນກັບຈາກຕ່າງປະເທດຈັດຂຶ້ນໃນປີ2008,ເພື່ອສົ່ງເສີມວັດທະນະທຳຈີນ, ຢື້ຢາມຖາມຂ່າວຊາວຈີນທີ່ອາໄສຢູ່ຕ່າງປະເທດ, ເພີ່ມທະວີມິດຕະພາບຈີນກັບຕ່າງປະເທດ. ມາຮອດປັດຈຸບັນ, ສະມາຄົມຊາວຈີນກັບຈາກຕ່າງປະເທດທຸກລະດັບໃນທົ່ວປະເທດໄດ້ຈັດຕັ້ງຄະນະສິລະປະ 100 ກວ່າຄະນະໄປສະແດງຢູ່ຫຼາຍສິບປະເທດໃນໂລກແລ້ວ.