ໃນຕອນບ່າຍວັນທີ 29 ມັງກອນນີ້, ປະຊາຊົນອາເມລິກາຫຼາຍພັນຄົນໄດ້ເຕົ້າໂຮມກັນຢູ່ເຂດໃກ້ທຳນຽບຂາວວໍຊີງຕັນ ເພື່ອປະທ້ວງທ່ານໂດນັນ ທຣຳ ປະທານາທິບໍດີອາເມລິກາທີ່ລົງນາມໃນລັດຖະດຳລັດທີ່ຈຳກັດຊາວອົບພະຍົບໃນຫວ່າງມໍ່ໆນີ້.
ຜູ້ປະທ້ວງຍົກຄຳຂວັນຕ່າງໆເຊັ່ນ, "ຍິນດີຕ້ອນຮັບຊາວອົບພະຍົບ" ແລະ "ການຢູ່ຮ່ວມກັນມີກຳລັງເຂັ້ມແຂງ" ເພື່ອຮຽກຮ້ອງເພິ່ມທະວີຄວາມອະນຸໂລມຂອງສັງຄົມອາເມລິກາ. ມື້ດຽວກັນ, ຢູ່ຕົວເມືອງໃຫຍ່ ແລະ ສະໜາມບິນສາກົນຂະໜາດໃຫຍ່ຈຳນວນໜຶ່ງຂອງອາເມລິກາກໍ່ໄດ້ຈັດການປະທ້ວງທ່ານໂດນັນ ທຣຳເຊັ່ນດຽວກັນ.
ມື້ດຽວກັນ, ທ່ານທຣຳໄດ້ສະແດງທ່າທີໂດຍກ່າວວ່າ, ຕົນລົງນາມໃນລັດຖະດຳລັດດັ່ງກ່າວກໍເພື່ອຮັກສາຄວາມໝັ້ນຄົງຂອງອາເມລິກາໃຫ້ດີຂຶ້ນດີກວ່າເກົ່າ.
ອີງຕາມລັດຖະດຳລັດທີ່ທ່ານທຣຳລົງນາມໃນວັນທີ 27 ມັງກອນນີ້, ອາເມລິກາຈະຫ້າມບໍ່ໃຫ້ຊາວອົບພະຍົບເຂົ້າເມືອງເປັນການຊົ່ວຄາວພາຍໃນ 120 ມື້ຕໍ່ໜ້າ, ຫ້າມບໍ່ໃຫ້ພົນລະເມືອງ 7 ປະເທດ, ຄື, ອີຣານ, ຊູດັງ, ຊີຣີ, ລີບີ, ໂຊມາລີ, ເຢແມນ ແລະ ອີຣັກເຂົ້າເມືອງພາຍໃນ 90 ມື້ຕໍ່ໜ້າ ແລະ ໃຫ້ຊາວອົບພະຍົບຊີຣີເຂົ້າອາເມລິກາໂດຍບໍ່ມີເວລາຈຳກັດ.
