ວັນທີ 30 ມັງກອນນີ້, ທ່ານດິມິຕຣິ ເປັສກົຟ ໂຄສົກປະທານາທິບໍດີຣັດເຊຍກ່າວວ່າ, ຣັດເຊຍຕີລາຄາຢ່າງຕັ້ງໜ້າຕໍ່ການເລຈະຈາທາງໂທລະສັບລະຫວ່າງຜູ້ນຳຣັດເຊຍກັບອາເມລິກາທີ່ຈັດຂຶ້ນໃນຫວ່າງມໍ່ໆມານີ້, ແລະຫວັງວ່າຈະສາມາດບັນລຸຂໍ້ຕົກລົງກ່ຽວກັບການເຈລະຈາລະຫວ່າງປະມຸກລັດສອງປະເທດໂດຍໄວ.
ໃນງານຖະແຫຼງຂ່າວທີ່ຈັດຂຶ້ນໃນວັນທີ 30 ມັງກອນນີ້, ທ່ານເປັສກົຟກ່າວວ່າ, ການເຈລະຈາທາງໂທລະສັບລະຫວ່າງທ່ານວຣາດີເມຍ ປູຕິນ ປະທານາທິບໍດີຣັດເຊຍແລະທ່ານໂດນັນ ທຣຳໃນວັນທີ 28 ມັງກອນນີ້ແມ່ນມີລັກສະນະສ້າງສັນ, ແລະມີຄວາມໝາຍສຳຄັນ. ທ່ານກ່າວວ່າ, ໂດຍຜ່ານການເຈລະຈາໜ້າຕໍ່ໜ້າ, ຜູ້ນຳສອງປະເທດຈຶ່ງສາມາດປຶກສາຫາລືບັນຫາທີ່ກ່ຽວຂ້ອງທີ່ໄດ້ລົມກັນທາງໂທລະສັບຢ່າງລະອຽດ.