ວັນທີ 1 ກຸມພານີ້, ຢູ່ໂກຕາ ກີນາບາລູ ເມືອງເອກລັດຊາບາມະເລເຊຍ, ທ່ານຮວງຮຸ້ຍຄ່າງ ເອກອັກຄະລັດຖະທູດຈີນປະຈຳມະເລເຊຍກ່າວວ່າ, ຈະບໍ່ປະລະການຄົ້ນຫາຜູ້ຫາຍສາບສູນ 6 ຄົນໃນອຸບັດເຫດກຳປັ່ນຫຼົ້ມຢູ່ລັດຊາບາ, ຮຽກຮ້ອງໃຫ້ມະເລເຊຍສືບຕໍ່ເພິ່ມທະວີການຄົ້ນຫາ, ປິ່ນປົວນັກທ່ອງທ່ຽວທີ່ໄດ້ຮັບການກອບກູ້ໃຫ້ດີ ແລະ ສຳຫຼວດສາເຫດຂອງການເກີດອຸບັດເຫດຄັ້ງນີ້.
ໃນເວລາໄປຢາມນັກທ່ອງທ່ຽວຈີນທີ່ໄດ້ຮັບການກອບກູ້, ທ່ານຮວງຮຸ້ຍຄ່າງກ່າວວ່າ, ຫຼັງຈາກອຸບັດເຫດເກີດຂຶ້ນແລ້ວ, ຜູ້ນຳສູນກາງພັກກອມມູນິດຈີນກໍ່ເອົາໃຈໃສ່ທີ່ສຸດສັ່ງໃຫ້ສະຖານທູດຈີນປະຈຳມະເລເຊຍເອົາໃຈໃສ່ປະສານງານກັບມະເລເຊຍ ເພື່ອດຳເນີນວຽງງານກອບກູ້ເບິ່ງແຍງເປັນຢ່າງດີ.
ມື້ດຽວກັນ, ທ່ານຮວງຮຸ້ຍຄ່າງໄດ້ພົບປະທ່ານມູຊາ ໂອມານ ຜູ້ວ່າການລັດຊາບາໂດຍທ່ານໃຫ້ຄຳໝັ້ນສັນຍາວ່າ, ອົງການປົກຄອງລັດຊາບາຈະຕອບສະໜອງຄວາມສົນໃຈຂອງຈີນຢ່າງສຸດຂີດ, ທຳຄວາມພະຍາຍາມຄົ້ນຫາຜູ້ຫາຍສາບສູນໃນອຸບັດເຫດໃຫ້ເຖິງທີ່ສຸດ.
