ວັນທີ 2 ກຸມພານີ້,ກະຊວງການເງິນອາເມລິກາໄດ້ເປີດເຜີຍວ່າຈະດັດແປງບາງມາດຕະການຂວ້ຳບາດຕໍ່ກົມຮັກສາຄວາມປອດໄພສະຫະລັດຣັດເຊຍຫຼື FSB ໃນສະໄໝລັດຖະບານໂອບາມາກ່ອນໜ້ານີ້ ເຊິ່ງຈະອະນຸຍາດໃຫ້ບໍລິສັດອາເມລິກາດຳເນີນທຸລະກິດຈຳນວນໜຶ່ງກ່ຽວກັບຜະລິດຕະພັນເຕັກນິກຂໍ້ມູນຂ່າວສານກັບອົງການດັ່ງກ່າວ.
ທັງນີ້ເມື່ອທ້າຍເດືອນທັນວາປີຜ່ານມາ, ທ່ານບາຣັກ ໂອບາມາ ປະທານາທິບໍດີອາເມລິກາໃນໄລຍະນັ້ນປະກາດວ່າ: ຍ້ອນຣັດເຊຍອາດຈະແຊກແຊງການເລືອກຕັ້ງປະທານາທິບໍດີອາເມລິກາໂດຍການໂຈມຕີທາງອິນເຕີເນັດ ຈຶ່ງຕົກລົງຂວ້ຳບາດຣັດເຊຍ ເຊິ່ງຈະເນັ້ນ 5 ອົງການສຳຄັນເຊິ່ງລວມທັງກົມໃຫຍ່ສືບຂ່າວ ແລະ FSB ຂອງຣັດເຊຍ ພ້ອມທັງເຈົ້າໜ້າທີ່ອາວຸໂສຂອງກົມໃຫຍ່ສືບຂ່າວ 4 ທ່ານ.
ໃນໂອກາດໃຫ້ສຳພາດຕໍ່ສື່ມວນຊົນຫວ່າງເດືອນຜ່ານມາ, ທ່ານໂດນັນ ທຣຳກ່າວວ່າ: ຖ້າວ່າຣັດເຊຍສາມາດຊ່ວຍເຫຼືອອາເມລິກາໂຈມຕີລັດທິກໍ່ການຮ້າຍແລະດ້ານອື່ນໆ, ຕົນອາດຈະຍົກເລີກການຂວ້ຳບາດຣັດເຊຍໃນສະໄໝລັດຖະບານໂອບາມາ.
 |
