ວັນທີ 6 ກຸມພານີ້ແມ່ນວັນຄົບຮອບ 65 ປີຂອງພະລາຊີນີເອລີຊາເບັດລາດຊະການທີ 2 ຂຶ້ນຄອງລາຊະບັນລັງອັງກິດ ແລະເນື່ອງໃນວັນທີ່ມີຄວາມໝາຍດັ່ງກ່າວ, ກອງປືນໃຫຍ່ທະຫານມ້າກຽດຕິຍົດລາຊະນາວີອັງກິດໄດ້ສະດຸດີດ້ວຍການຍິງປືນໃຫຍ່ຂຶ້ນສູ່ທ້ອງຟ້າ, ຂະນະທີ່ກົມຫຼອມເງິນຫຼຽນແລະອົງການໄປສະນີອັງກິດຕ່າງກໍໄດ້ອອກຫຼຽນເງິນທີ່ລະນຶກ ແລະ ສະແຕມ ເພື່ອເປັນການສະຫຼອງວັນດັ່ງກ່າວ.
ສ່ວນຫ້ອງການພະລາຊີນີກໍໄດ້ເຜີຍແຜ່ຮູບຖ່າຍພະລາຊີນີພາບໜຶ່ງສະເພາະໃນວັນດັ່ງກ່າວເຊັ່ນດຽວກັນ.
ພະລາຊີນີເອລີຊາເບັດລາດຊະການທີ 2 ຈະມີອາຍຸ 91 ພັນສາໃນວັນທີ 21 ເມສາປີນີ້ ແລະໄດ້ຄອງລາຊະບັນລັງຫຼາຍກວ່າພະລາຊີນີວິກໂຕເຣຍ ຍ່າຂອງພະອົງ ທີ່ຄອງລາຊະບັນລັງເປັນເວລາ 64 ປີ ເມື່ອປີ 2015 ທັງກາຍເປັນເຈົ້າຊີວິດທີ່ຄອງລາຊະບັນລັງດົນທີ່ສຸດໃນປະຫວັດສາດອັງກິດ.
