ຕາມຂ່າວສານຊິນຮວາ: ຫວ່າງແລ້ວນີ້, ບໍລິສັດໄປສະນີຟີລິບປິນກ່າວວ່າ, ນັບແຕ່ວັນທີ 8 ຫາວັນທີ 14 ກຸມພານີ້, ຈະບໍລິການ "ໄປສະນີແຫ່ງຄວາມຮັກ" ໃນໂອກາດວັນວາເລນທາຍ, ລວມທັງຈະໃຫ້ພະນັກງານໄປສະນີຕາງໜ້າຜູ້ຝາກເຄື່ອງຮ້ອງເພງຮັກສອງເພງໃຫ້ຜູ້ຮັບເຄື່ອງຟັງ.
ພ້ອມກັນນັ້ນ, ບໍລິສັດໄປສະນີຟີລິບປິນຍັງໄດ້ສະໜອງການບໍລິການສັ່ງຈອງສະແຕມຕາມຄວາມຮຽກຮ້ອງຂອງສ່ວນບຸກຄົນ ໂດຍລູກຄ້າສາມາດເອົາຮູບຖ່າຍຂອງຕົນມາເປັນຮູບສະແຕມ, ເພື່ອຝາກຈົດໝາຍຮັກ. ແຕ່ການບໍລິການດັ່ງກ່າວຈະຮັບໃຊ້ສະເພາະເຂດນະຄອນຫຼວງມະນີລາເທົ່ານັ້ນ.
ເນື່ອງຈາກໄດ້ຮັບຜົນທະກທົບຈາກການນຳໃຊ້ອິນເຕີເນັດ, ບໍລິມາດຈົດໝາຍສົ່ງທາງໄປສະນີໄດ້ຫຼຸດລົງຢ່າງຫຼວງຫຼາຍ, ແລະເພື່ອແກ້ໄຂບັນຫາດັ່ງກ່າວ, ປີ 2015, ບໍລິສັດໄປສະນີຟີລິບປິນເລີ່ມສະໜອງການບໍລິການ "ໄປສະນີຄວາມຮັກ" ເປັນຄັ້ງທຳອິດໃນໄລຍະສະຫຼອງວັນວາເລນທາຍ, ແລະໄດ້ໃຫ້ພະນັກງານໄປສະນີຮ້ອງເພງ, ເຊິ່ງໄດ້ຮັບຄວາມນິຍົມຊົມຊອບຈາກລູກຄ້າຢ່າງຫຼວງຫຼາຍ. ຂະນະທີ່ປີ 2016, ບໍລິສັດໄປສະນີຟີລິບປິນໄດ້ຂະຫຍາຍຄວາມຄິດດ້ວຍການຮ້ອງເພງໃນໂອກາດວັນເກີດ, ວັນແມ່, ວັນບຸນ ແລະວັນລະນຶກອື່ນໆ.
 |
