ຫວ່າງມໍ່ໆນີ້, ທະທາຄານໂລກໄດ້ເຜີຍແຜ່ບົດລາຍງານພັດທະນາຕົວເມືອງອາຟຼິກາຢູ່ເອທີໂອປີ, ໂດຍເຕືອນປະເທດອາຟຼິກາເພີ່ມທະວີການລົງທຶນໃນການກໍ່ສ້າງພື້ນຖານໂຄງລ່າງແລະປະຕິຮູບຕະຫຼາດທີ່ດິນ, ເພື່ອເລັ່ງລັດການພັດທະນາເສດຖະກິດຕົວເມືອງ.
ບົດລາຍງານລະບຸວ່າ, ການລົງທຶນໃນການກໍ່ສ້າງພື້ນຖານໂຄງລ່າງແລະປະຕິຮູບຕະຫຼາດທີ່ດິນແມ່ນຂໍກະແຈຂອງການເລັ່ງລັດການເຕີບໂຕທາງເສດຖະກິດຕົວເມືອງອາຟຼິກາ, ເພີ່ມໂອກາດປະກອບອາຊີບແລະຍົກສູງກຳລັງແຂ່ງຂັນຂອງຕົວເມືອງ. ໃນຂະນະດຽວກັນ, ຄຽງຄູ່ກັບຂະໜາດເສດຖະກິດເຕີບໂຕ, ຕົວເມືອງອາຟຼິກາຕ້ອງເປີດປະຕູສູ່ທົ່ວໂລກ.
ບົດລາຍງານຊີ້ອອກວ່າ, ການພັດທະນາພື້ນຖານໂຄງລ່າງ, ອຸດສາຫະກຳແລະການຄ້າຂອງຕົວເມືອງອາຟຼິກາລ້ວນແຕ່ຫຼ້າຫຼັງກວ່າການເຕີບໂຕຂອງປະຊາກອນຕົວເມືອງ, ຍັງຂາດເຂີນເຮືອນທີ່ປະຊາກອນຕົວເມືອງສາມາດຫາບແບກໄດ້, ຄ່າຄອງຊີບຢູ່ຕົວເມືອງກໍ່ແພງໂພດ.
ບົດລາຍງານສະເໜີວ່າ, ປະເທດອາຟຼິກາຄວນພັດທະນາພື້ນຖານໂຄງລ່າງ, ເຮືອນຢູ່, ອຸດສາຫະກຳແລະການຄ້າຢ່າງກົມກຽວກັນໃນຂະບວນການ ຫັນເປັນຕົວເມືອງ, ເຮັດໃຫ້ຕະຫຼາດທີ່ດິນມີລະບຽບແບບແຜນຕື່ມອີກ, ແລະວາງແຜນການພັດທະນາຕົວເມືອງທີ່ບັງເກີດຜົນ.
ຂໍ້ມູນຂອງທະນາຄານໂລກະແດງໃຫ້ເຫັນວ່າ, ປະຊາກອນຕົວເມືອງຂອງອາຟຼິກາໄດ້ບັນລຸ 472 ລ້ານຄົນ, ຮອດປີ 2025 ຈະເພີ່ມຂຶ້ນ 187 ລ້ານຄົນ, ແລະຮອດປີ 2040 , ປະຊາກອນຕົວເມືອງອາຟຼິກາຈະບັນລຸເຖິງ 1 ຕື້ຄົນ.
