ວັນທີ 7 ກຸມພານີ້, ໃນຂະນະພົນລະເມືອງຈີນ 3 ຄົນເດີນທາງກັບປະເທດໂດຍຜ່ານດ່ານມອງກາຍຫວຽດນາມ ໄດ້ຖືກເຈົ້າໜ້າທີ່ກວດກາຊາຍແດນຫວຽດນາມຂໍເງິນພິເສດ ແລະຖືກຕີ ສົ່ງຜົນເຮັດໃຫ້ຊາຍຄົນໜຶ່ງກະດູກຂ້າງຫັກ 4 ທ່ອນເປັນຢ່າງໜ້ອຍ.
ທັງນີ້ ສະຖານທູດຈີນປະຈຳຫວຽດນາມກ່າວວ່າ, ໄດ້ຕິດຕາມສູງຕໍ່ເຫດການດັ່ງກ່າວ ແລະໄດ້ຕໍ່ວ່າທັກທ້ວງກົມກົງສຸນກະຊວງການຕ່າງປະເທດຫວຽດນາມຢ່າງເຄັ່ງຂຶມ ແລະຮຽກຮ້ອງໃຫ້ຫວຽດນາມໃຊ້ມາດຕະການທັນທີ ສືບສວນເຫດການດັ່ງກ່າວ ທັງລົງໂທດເຈົ້າໜ້າທີ່ດ່ານຕາມກົດໝາຍຢ່າງເຂັ້ມງວດ ພ້ອມທັງຂໍອະໄພແລະທົດແທນຄ່າເສຍຫາຍໃຫ້ແກ່ພົນລະເມືອງຈີນ.
ຂ່າວແຈ້ງວ່າ, ຫຼັງເກີດເຫດ, ຫວຽດນາມໄດ້ປະຕິເສດຕໍ່ເຫດການ ແລະກ່າວວ່າ, ຊາຍຈີນຄົນນັ້ນໄດ້ລົ້ມບາດເຈັບໃນຂະນະຖືກໄລ່. ນອກນີ້ ກໍໄດ້ປະຕິເສດການສືບສວນຮ່ວມກັນທີ່ຈີນສະເໜີ.
 |
