ໜັງສືພິມ "ມະນີລາທາມສ໌" ຂອງຟິລິບປິນສະບັບວັນທີ 13 ກຸມພານີ້ລາຍງານວ່າ, ທ່ານເດລາ ໂຣຊາ ຜູ້ບັນຊາການຕຳຫຼວດແຫ່ງຊາດ ຢືນຢັນໃນວັນດັ່ງກ່າວວ່າ: ເຈົ້າໜ້າທີ່ຕຳຫຼວດຈະປາບປາມການຫຼິ້ນພະນັນທີ່ຜິດກົດໝາຍທຸກຮູບແບບຢ່າງເຂັ້ມງວດ ໂດຍປະຕິບັດຕາມດຳລັດຂອງປະທານາທິບໍດີເລກທີ 13 ແລະ ຖ້າວ່າປ່ອຍປະລະເລີຍຕໍ່ການຫຼິ້ນພະນັນທີ່ຜິດກົດໝາຍ ຈະເຮັດໃຫ້ເກີດການສໍ້ລາດບັງຫຼວງ ແລະຫັນໄປສູ່ການກະທຳຜິດມີການຈັດຕັ້ງໃນຮູບແບບອື່ນ ເຊັ່ນ ການຄ້າຢາເສບຕິດ, ການຟອກເງິນ ແລະ ການລັກພາຕົວເຫຼົ່ານີ້ເປັນຕົ້ນ.
ດຳລັດດັ່ງກ່າວລະບຸວ່າ, ຖ້າວ່າຫົວໜ່ວຍເປີດບໍລິການຫຼິ້ນພະນັນບໍ່ໄດ້ຮັບການມອບສິດ ຫຼື ໃບອະນຸຍາດດຳເນີນທຸລະກິດຈາກລັດຖະບານກ່ອນ ກໍຈະຖືວ່າເປັນການຫຼິ້ນພະນັນຜິດກົດໝາຍ. ຂະນະທີ່ຜູ້ປະກອບການຫຼິ້ນພະນັນທາງອອນລາຍກໍບໍ່ສາມາດດຳເນີນທຸລະກິດຢູ່ນອກຂອບເຂດການອະນຸຍາດໄດ້ເຊັ່ນດຽວກັນ.