ໜັງສືພິມ "ບາງກອກພົສ" ສະບັບວັນທີ 13 ກຸມພານີ້ລາຍງານວ່າ, ຜົນການສຳຫຼວດຂະແໜງການທ່ອງທ່ຽວໄທພົບວ່າ ນັກທ່ອງທ່ຽວຈີນແລະຣັດເຊຍຈະໄປທ່ຽວເກາະພູເກັດເພີ່ມຂຶ້ນ.
ຂ່າວແຈ້ງວ່າ, ເນື່ອງຈາກເງິນຣຸບຣັດເຊຍແຂງຄ່າກວ່າເງິນບາດ ບວກໃສ່ສະຖານະການຢູ່ເຂດຕາເວັນອອກກາງປັ່ນປ່ວນວຸ້ນວາຍ ຈຶ່ງເຮັດໃຫ້ນັກທ່ອງທ່ຽວຣັດເຊຍໄປທ່ຽວເກາະພູເກັດເພີ່ມຂຶ້ນ 51% ເມື່ອທຽບໃສ່ປີຜ່ານມາ ແລະໄດ້ເຂົ້າສູ່ລະດັບປົກກະຕິໃນຫຼາຍປີຜ່ານມາ. ຂະນະທີ່ໃນຕົ້ນປີນີ້ ນັກທ່ອງທ່ຽວຈີນກໍເດີນທາງໄປທ່ຽວເກາະພູເກັດເໝືອນດັ່ງຜ່ານມາ ຫຼັງ ລັດຖະບານໄທຫຼຸດຜ່ອນການສະກັດກັ້ນການຈັດຄະນະທ່ອງທ່ຽວຊາວຈີນແບບບໍ່ເກັບຄ່າລົງ.
ຂ່າວແຈ້ງຕື່ມວ່າ, ປີຜ່ານມາ, ສະໜາມບິນເກາະພູເກັດໄດ້ຕ້ອນຮັບນັກທ່ອງທ່ຽວ ເພີ່ມຂຶ້ນຢ່າງວ່ອງໄວເຖິງ 18% ຫຼື ຫຼາຍກວ່າ 7 ລ້ານ 5 ແສນເທື່ອຄົນ.