ໂຄສົກກະຊວງການຕ່າງປະເທດ ສປປ ເກົາຫຼີກ່າວໃນວັນທີ 15 ກຸມພານີ້ວ່າ, ຄັດຄ້ານຖະແຫຼງການຂອງສະພາຄວາມໝັ້ນຄົງອົງການສະຫະປະຊາຊາດທີ່ກ່າວປະນາມປະເທດຕົນຍິງຂີປະນາວຸດອີກເທື່ອໜຶ່ງ, ແລະເນັ້ນວ່າປະເທດຕົນຍົກລະດັບກຳລັງສູ້ຮົບນິວເຄຼຍສູງຂຶ້ນແມ່ນມາດຕະການປ້ອງກັນປະເທດເພື່ອຮັບມືກັບການຂົ່ມຂູ່ຈາກສົງຄາມນິວເຄຼຍຂອງອາເມລິກາແລະປະເທດພັນທະມິດທັງເປັນການປົກປັກຮັກສາສິດອະທິປະໄຕຂອງຊາດແລະສິດດຳລົງຢູ່ຂອງຊົນຊາດ, ກໍຄືການຮັບປະກັນສັນຕິພາບຂອງແຫຼມເກົາຫຼີແລະສະຖຽນລະພາຍຂອງພາກພື້ນ.
ຂ່າວແຈ້ງວ່າ, ສປປ ເກົາຫຼີບໍ່ຮັບຮອງມະຕິທີ່ກ່ຽວຂ້ອງຂອງສະພາຄວາມໝັ້ນຄົງກ່ຽວກັບການເຄື່ອນໄຫວທີ່ກ່ຽວພັນເຖິງອາວຸດນິວເຄຼຍຂອງປະເທດຕົນ, ແລະໃນຕໍ່ໜ້າກໍຈະບໍ່ຮັບຮອງ ຢ່າງເດັດຂາດ.
ກ່ອນໜ້ານີ້ຄືວັນທີ 13 ກຸມພານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ອອກຖະແຫຼງການ, ກ່າວປະນາມ ສປປ ເກົາຫຼີຢ່າງຮຸນແຮງທີ່ຍິງຂີປະນາວຸດອີກເທື່ອໜຶ່ງ, ແລະເຕືອນໃຫ້ ສປປ ເກົາຫຼີຢຸດການກະທຳລັກສະນະນີ້ອີກ.
 |
