ຕາມຂ່າວສານຈີນ: ຮົງກົງເປັນກຸ່ມເສດຖະກິດທີ່ມີເສລີພາບທີ່ສຸດໃນທົ່ວໂລກ 23 ປີຊ້ອນ ໂຄສົກອຳນາດການປົກຄອງເຂດບໍລິຫານພິເສດຮົງກົງກ່າວໃນວັນທີ 16 ກຸມພານີ້ວ່າ, ຫຼັກການຕະຫຼາດເສລີເປັນພື້ນຖານແຫ່ງຄວາມຈະເລີນທາງເສດຖະກິດຂອງຮົງກົງ ເຊິ່ງອຳນາດການປົກຄອງຕົນຈະສືບຕໍ່ປະຕິບັດຫຼັກການດັ່ງກ່າວ ເພື່ອຮັກສາຄວາມສາມາດແກ້ງແຍ້ງຕະຫຼາດ.
ກອງທຶນດັ້ງເດີມອາເມລິກາໄດ້ເປີດເຜີຍ "ດັດຊະນີເສລີພາບທາງເສດຖະກິດ" 2017 ໃນວັນທີ 15 ກຸມພາ ໂດຍຊີ້ອອກວ່າ, ປີນີ້ຮົງກົງໄດ້ 89,8 ຄະແນນ (0 ຫາ 100 ຄະແນນ, 100 ຄະແນນແມ່ນຄະແນນເຕັມ), ເມື່ອທຽບໃສ່ບົດລາຍງານປີຜ່ານມາແລ້ວເຫັນວ່າສູງຂຶ້ນ 1,2 ຄະແນນ, ແລະສູງກວ່າລະດັບສະເລ່ຍຂອງທົ່ວໂລກຢ່າງຫຼວງຫຼາຍ ຄື 60,9 ຄະແນນ, ພາຍຫຼັງຕົກຕ່ຳລົງເປັນເວລາສອງປີແລ້ວ ໄດ້ຖີບຕົວສູງຂຶ້ນອີກ ແລະສູງກວ່າສິງກະໂປ ຄືເປັນທີສອງນັ້ນ ຫຼາຍກວ່າເກົ່າ.