ທ່ານນາງລີຈຸງມີ ວ່າການແທນປະທານສານລັດຖະທຳມະນູນສເກົາຫຼີປະກາດໃນວັນທີ 16 ກຸມພານີ້ວ່າ: ການພິຈາລະນາຄະດີປະທານາທິບໍດີສເກົາຫຼີຄັ້ງສຸດທ້າຍຈະຈັດຂຶ້ນໃນວັນທີ ວັນທີ 24 ກຸມພານີ້ໂດຍທັງຝ່າຍໂຈດແລະຝ່າຍຈຳເລີຍຕ້ອງຍື່ນເອກະສານສະແດງຈຸດຢືນຂອງຕົນກ່ອນວັນທີ 23 ກຸມພານີ້.
ອີກດ້ານໜຶ່ງ, ທ່ານລີຄຸຍຊົນ ໂຄສົກຄະນະໄອຍະການພິເສດທີ່ຊີ້ນຳການສືບສວນເຫດການ "ຄົນໃກ້ຊິດແຊກແຊງວຽກງານລັດ"ກໍຢືນຢັນໃນວັນທີ 16 ກຸມພານີ້ວ່າ: ເນື່ອງຈາກເປົ້າໝາຍການສືບສວນຄະດີດັ່ງກ່າວມີຫຼາຍຈິ່ງຍາກທີ່ຈະເຮັດໃຫ້ການສືບສວນສຳເລັດກ່ອນເວລາຊີ້ຂາດ. ດ້ວຍເຫດນີ້, ຄະນະໄອຍະການຈິ່ງຂໍຮ້ອງທ່ານຮວງກຽວອັນ ນາຍົກລັດຖະມົນຕີທີ່ປະຕິບັດສິດແທນຕຳແໜ່ງປະທານາທິບໍດີແກ່ຍາວເວລາການສືບສວນຕື່ມອີກ 30 ວັນແລະທ່ານຮວງກຽວອັນກໍຢືນຢັນວ່າຈະພິຈາລະນາບັນຫານີ້, ແຕ່ຈະອະນຸຍາດໃຫ້ແກ່ຍາວຕາມການຮ້ອງຂໍຫຼືບໍ່ນັ້ນຍັງບໍ່ຮູ້ລະອຽດເທື່ອ.
ຄະນະໄອຍະການພິເສດໄດ້ນຳເອົາຄຳສັ່ງກວດຄົ້ນທຳນຽບຊົງວາເດເມື່ອວັນທີ 3 ກຸມພານີ້ແຕ່ໄດ້ຖືກປະຕິເສດ.
 |
