ທ່ານບາຊາ ອາຊັດປະທານາທິບໍດີຊີຣີ ໄດ້ໃຫ້ສຳພາດຕໍ່ສື່ມວນຊົນຂອງຝຣັ່ງສອງສຳນັກເມື່ອບໍ່ດົນນີ້ ວ່າ: ການທີ່ປະເທດຕາເວັນຕົກເຂົ້າຮ່ວມຂະບວນການສັນຕິພາບຢູ່ປະເທດຕົນກໍເພື່ອບັນລຸຈຸດປະສົງຂອງຕົນເທົ່ານັ້ນ, ຫາກບໍ່ແມ່ນເພື່ອສັນຕິພາບຂອງຊີຣີຢ່າງແທ້ຈິງ ແລະການທີ່ປະເທດຕາເວັນຕົກສະໜອງທຶນໃຫ້ແກ່ກຸ່ມຕໍ່ຕ້ານລັດຖະບານຊີຣີນັ້ນ, ຄວາມຈິງກໍເພື່ອຍຸຍົງສົ່ງເສີມສົງຄາມ ຫາກບໍ່ແມ່ນເພື່ອຊຸກຍູ້ສັນຕິພາບ.
ທ່ານບາຊາ ກ່າວຕື່ມວ່າ: ເຖິງວ່າປັດຈຸບັນ, ລັດຖະບານປະເທດຕົນໄດ້ຍຶດເມືອງອາເລັບໂປ ຕົວເມືອງສຳຄັນຄືນຈາກກຸ່ມ IS ແລ້ວກໍຕາມ, ແຕ່ເນື່ອງຈາກປະເທດຕາເວັນຕົກຍັງສະໜັບສະໜູນອິດທິກຳລັງລັດທິກໍ່ການຮ້າຍ, ສະນັ້ນ ຢາກຈະຜາບແພ້ລັດທິກໍ່ການຮ້າຍໃຫ້ໄດ້ຢ່າງເຖິງຖອງ ຍັງເປັນເສັ້ນທາງທີ່ຍາວໄກສົມຄວນ.
