ຕາມຂ່າວສານຊິນຮວາ: ວັນທີ 17 ກຸມພານີ້, ສານທ້ອງຖິ່ນເຊອຸນ ສ.ເກົາຫຼີໄດ້ສັ່ງຈັບທ່ານລີເຈຢົງ ຮອງປະທານບໍລິສັດເອເລັກໂຕຣນິກຊຳຊຸງ ຍ້ອນຖືກສົງໄສວ່າໃຫ້ສິນບົນ, ຍັກຍອກເງິນຫຼວງ ແລະອື່ນໆ.
ຂ່າວແຈ້ງວ່າ, ໜ່ວຍໄອຍະການວິສາມັນທີ່ຮັບຜິດຊອບສືບສວນກໍລະນີ "ຄົນໃກ້ຊິດເຂົ້າແຊກການປົກຄອງ" ໄດ້ກ່າວຟ້ອງບໍລິສັດເອເລັກໂຕຣນິກຊຳຊຸງທີ່ສະໜອງເງິນຕັ້ງຫຼາຍສິບຕື້ວອນໃຫ້ນາງຊອຍຊຸນຊິວ ບຸກຄົນຕົ້ນຕໍໃນກໍລະນີ "ຄົນໃກ້ຊິດເຂົ້າແຊກການປົກຄອງ" ເຊິ່ງການສະໜອງເງິນດັ່ງກ່າວຢູ່ພາຍໃຕ້ການຊີ້ນຳຂອງທ່ານລີເຈຢົງ ແລະກໍມີຈຸດປະສົງໃຫ້ສິນບົນ.
ໜ່ວຍໄອຍະການວິສາມັນເຄີຍລົງນາມໃນໃບສັ່ງຈັບທ່ານລີເຈຢົງຕໍ່ສານເຊອຸນໃນວັນທີ 16 ມັງກອນຜ່ານມາ ໂດຍກ່າວຟ້ອງວ່າເປັນຜູ້ຖືກສົງໄສໃຫ້ສິນບົນ, ຍັກຍອກເງິນຫຼວງ ແລະເປັນພະຍານເທັດ ແລະຈາກນັ້ນ 3 ມື້ຄື ວັນທີ 19 ເດືອນດຽວກັນ, ສານວິນິດໄສຕົກລົງບໍ່ຈັບດ້ວຍຂໍ້ອ້າງທີ່ວ່າ ເຫດຜົນບໍ່ພຽງພໍ.