ຟີລິບປິນ-ຣັດເຊຍປຶກສາຫາລືກ່ຽວກັບການຮ່ວມມືດ້ານການປ້ອງກັນຄວາມໝັ້ນຄົງ

ວັນທີ 17 ກຸມພານີ້,ເວັບໄຊກະຊວງປ້ອງກັນປະເທດຟີລິບປິນລາຍງານວ່າ: ວັນທີ 16 ກຸມພານີ້, ເຈົ້າໜ້າທີ່ລັດຖະບານຟີລິບປິນກັບຄະນະຜູ້ແທນຣັດເຊຍໄດ້ພົບປະສອງຝ່າຍຢູ່ເມືອງໂດວາວ ທາງພາກໃຕ້ຟີລິບປິນ ເພື່ອປຶກສາຫາລືກ່ຽວກັບການຮ່ວມມືດ້ານການປ້ອງກັນຄວາມໝັ້ນຄົງ.

ຄະນະຜູ້ແທນຣັດເຊຍນຳໂດຍທ່ານນີໂຄໄລ ພະທຣູເຊັຟ ເລຂາທິການສະພາຄວາມໝັ້ນຄົງຣັດເຊຍໄດ້ເຂົ້າຢ້ຽມຄຳນັບທ່ານໂຣດຣິໂກ ດູເຕີເຕ ປະທານາທິບໍດີຟີລິບປິນຢູ່ເມືອງໂດວາວ,ແລະໄດ້ດຳເນີນການປຶກສາຫາລືຮ່ວມກັບຄະນະຜູ້ແທນຟີລິບປິນທີ່ນຳໂດຍທ່ານເຮີໂມເກເນສ ແອັສເປີຣົນ ທີ່ປຶກສາຄວາມໝັ້ນຄົງແຫ່ງຊາດຟີລິບປິນ. ອີງຕາມການລາຍງານຂອງຝ່າຍຟີລິບບິນ, ສອງຝ່າຍໄດ້ປຶກສາຫາລືກ່ຽວກັບເນື້ອໃນຕົ້ນຕໍ 6 ຂົງເຂດຂອງການຮ່ວມມືລະຫວ່າງລັດຖະບານທັງສອງປະເທດ.