ພິທີໄຂມະຫະກຳກິລາລະດູໜາວອາຊີຄັ້ງທີ 8 ໄດ້ຈັດຂຶ້ນຢູ່ສະໜາມກິລາໂດເມເມືອງຊັບໂປໂຣ ປະເທດຍີ່ປຸ່ນໃນຕອນບ່າຍວັນທີ 19 ກຸມພານີ້, ຂະນະທີ່ນັກກິລາເຈົ້າພາບຍາດໄດ້ຫຼຽນຄຳຫຼຽນທຳອິດ.
ໃນພິທີໄຂມະຫະກຳກິລາດັ່ງກ່າວຍັງໄດ້ຈັດພິທີມອບລາງວັນຈາກການແຂ່ງຂັນທີ່ຈັດຂຶ້ນລ່ວງໜ້າ ໂດຍສະເພາະການແຂ່ງຂັນໃນລາຍການSnowboardingເພດຍິງ ເຊິ່ງນາງເອຣິ ຢາເນຕານິ ນັກກິລາຍີ່ປຸ່ນໄດ້ຫຼຽນຄຳຫຼຽນທຳອິດ, ຂະນະທີ່ນາງຈ່າງຣູຊິນ ແລະນາງກົ່ງໜາຍຢິງ ນັກກິລາຈາກສປຈີນເປັນທີ 2 ແລະທີ 3 ເຊິ່ງເປັນສອງຫຼຽນທຳອິດຂອງທີມກິລາຈີນ. ສຳລັບເພດຊາຍ, ທ້າວລີຊາງໂຮ ນັກກິລາ ສ ເກົາຫຼໄດ້ຫຼຽນຄຳ.
ມະຫະກຳກິລາລະດູໜາວຊັບໂປໂຣຈະດຳເນີນການແຂ່ງຂັນໄປຈົນເຖິງວັນທີ 26 ເດືອນດຽວກັນ.