ລັດຖະບານມຽນມາໄດ້ຖະແຫຼງໃນຕອນຄ່ຳວັນທີ 17 ກຸມພານີ້ວ່າ: ນັບແຕ່ເກີດເຫດການຫົວຮຸນແຮງຢູ່ເຂດເມືອງໂດ ລັດຍະໄຂ່ ເມື່ອວັນທີ 9 ຕຸລາປີ 2016 ເປັນຕົ້ນມາ, ກອງກຳລັງຕຳຫຼວດແລະທະຫານໄດ້ສູ້ຮົບກັບກຸ່ມປະກອບອາວຸດ 20 ເທື່ອ ສົ່ງຜົນເຮັດໃຫ້ທະຫານ 7 ຄົນ, ຕຳຫຼວດ 10 ຄົນ ແລະ ປະຊາຊົນ 13 ຄົນເສຍຊີວິດ, ຂະນະທີ່ກຸ່ມປະກອບອາວຸດ 69 ຄົນເສຍຊີວິດ. ປັດຈຸບັນ, ອາວຸດປືນລວມທັງລູກປືນຈຳນວນໜຶ່ງທີ່ສູນເສຍຈາກທະຫານແລະຕຳຫຼວດນັ້ນຍັງບໍ່ສາມາດເກັບກູ້ຄືນມາໄດ້.
ໃນຖະແຫຼງຂ່າວຍັງລະບຸວ່າ: ປັດຈຸບັນ, ກອງທັບປະເທດຕົນບໍ່ກວາດລ້າງຢູ່ເຂດດັ່ງກ່າວອີກແລ້ວ, ແຕ່ໃຫ້ເຈົ້າໜ້າທີ່ຕຳຫຼວດຮັກສາຄວາມໝັ້ນຄົງ, ຄວາມສະຫງົບ ແລະ ປະຕິບັດກົດໝາຍ ຕາມເຂດຊາຍແດນດັ່ງກ່າວ.
ຖະແຫຼງຂ່າວລະບຸຕື່ມວ່າ: ການເຄື່ອນໄຫວທາງການທະຫານດັ່ງກ່າວສາມາດຈັບຜູ້ຖືກສົງໄສກໍ່ການຫຼອນໂຈມຕີໄດ້ເກືອບ 600 ຄົນ, ໃນນີ້ ໄດ້ດຳເນີນຄະດີ 35 ຄົນ ແລະມີ 5 ຄະດີໄດ້ສຳເລັດການພິຈາລະນາແລ້ວ.