ທະນາຄານກາງຟິລິບປິນປະກາດຫວ່າງມໍ່ໆນີ້ວ່າ: ປີ 2016, ແຮງງານປະເທດຕົນທີ່ໄປເຮັດວຽກຢູ່ຕ່າງປະເທດໄດ້ຝາກເງິນຄືນບັນລຸ 26 ຕື້ 900 ລ້ານໂດລາສະຫະລັດ ເພີ່ມຂຶ້ນ 5% ເມື່ອທຽບໃສ່ປີ 2015 ແລະລື່ນ 4% ຂອງເປົ້າໝາຍການເຕີບໂຕທີ່ລັດຖະບານຟິລິບປິນກຳນົດໄວ້.
ນອກນີ້, ໃນປີ 2016, ແຮງງານຟິລິບປິນຝາກເງິນສົດ ແລະ ເງິນທີ່ເປັນວັດຖຸພັນຄືນປະເທດບັນລຸ 29 ຕື້ 710 ລ້ານໂດລາສະຫະລັດ ເພີ່ມຂຶ້ນ 4,9% ເມື່ອທຽບໃສ່ປີ 2015 ໂດຍໃນເດືອນທັນວາພຽງເດືອນດຽວ, ເງິນສົດທີ່ໄຫຼເຂົ້າຟິລິບປິນໄດ້ສ້າງສະຖິຕິໃໝ່ ຄືບັນລຸ 2 ຕື້ 600 ລ້ານໂດລາສະຫະລັດ ເພີ່ມຂຶ້ນ 3,6% ເມື່ອທຽບໃສ່ໄລຍະດຽວກັນຂອງປີ 2015.
ທ່ານດີວາ ກູນີກຸນໂດ ຮອງຜູ້ວ່າການທະນາຄານກາງຟິລິບປິນ ຊີ້ວ່າ: ເນື່ອງຈາກສະພາບເສດຖະກິດໂລກດີຂຶ້ນຢ່າງຕໍ່ເນື່ອງ ຈຶ່ງຄາດວ່າປີນີ້ ແຮງງານປະເທດຕົນຈະຝາກເງິນຈາກຕ່າງປະເທດສືບຕໍ່ເພີ່ມຂຶ້ນ.