ຕາມຂ່າວສານຊິນຮວາ:ເຈົ້າໜ້າທີ່ຕຳຫຼວດມາເລເຊຍກ່າວໃນວັນທີ 19 ກຸມພານີ້ວ່າ,ຍັງບໍ່ສາມາດຢືນຢັນເຫດການເສຍຊີວິດຂອງຄົນເກົາຫຼີຢູ່ປະເທດຕົນໄດ້ເທື່ອແລະກຳລັງພິສູດ DNAຂອງຜູ້ກ່ຽວແລະຍັງຕ້ອງລໍຖ້າໃຫ້ໃຫ້ຄອບຄົວສົ່ງຕົວຢ່າງ DNA ມາເພື່ອຢືນຢັນ.
ວັນທີ 19 ກຸມພານີ້,ເຈົ້າໜ້າທີ່ມາເລເຊຍໄດ້ຖະແຫຼງຂ່າວຄັ້ງທຳອິດຫຼັງເກີດເຫດການຄົນເກົາຫຼີເສຍຊີວິດໂດຍທ່ານຣາຊິດ ອິບຣາຮິມໄດ້ແຈ້ງສະພາບຫຼັງເຈົ້າໜ້າທີ່ຕຳຫຼວດເກັບກຳໄດ້ວ່າ,ເຈົ້າໜ້າທີ່ຕຳຫຼວດໄດ້ຈັບຜູ້ຕ້ອງສົງໄສ 4 ຄົນຄືຜູ້ຍິງສັນຊາດຫວຽດນາມໜຶ່ງຄົນ,ຊາຍມາເລເຊຍໜຶ່ງຄົນ,ຍິງອິນໂດເນເຊຍໜຶ່ງຄົນແລະຊາຍເກົາຫຼີໜຶ່ງຄົນ.
ທ່ານກ່າວຕື່ມວ່າ,ເຈົ້າໜ້າທີ່ໄດ້ສັນລະສູດສົບຂອງຜູ້ເສຍຊີວິດແລ້ວແລະປັດຈຸບັນກຳລັງລໍຖ້າຜົນການກວດກາພະຍາດແລະຢ່າເບື່ອແລະຍັງບໍ່ສາມາດຢືນຢັນເຫດການເສຍຊີວິດໄດ້ເທື່ອ.ແນວໃດກໍດີ,ທ່ານຣາຊິດຢືນຢັນໃນວັນທີ 16 ກຸມພານີ້ວ່າ,ຊາຍເກົາຫຼີທີ່ເສຍຊີວິດຜູ້ນີ້ແມ່ນທ່ານກິມຈົ່ງນາມ ອ້າຍຕ່າງແມ່ຂອງທ່ານກິມຈົ່ງອຸນ ຜູ້ນຳສູງສຸດຂອງສປປເກົາຫຼີ.