ທ່ານໂຣດຣີໂກ ດູເຕີເຕ ປະທານພັກກຳລັງປະຊາຊົນປະຊາທິປະໄຕຟີລິບປິນ, ປະທານາທິບໍດີຟີລິບປິນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຊົ້ງທ່າວ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນຢູ່ນະຄອນຫຼວງມະນີລາໃນວັນທີ 20 ກຸມພານີ້.
ໂອກາດດັ່ງກ່າວ, ທ່ານຊົ້ງທ່າວກ່າວວ່າ ,ຈີນ-ຟີລິບປິນເປັນເພື່ອນບ້ານໃກ້ຄຽງທີ່ມີໄມຕີຈິດມິດຕະພາບແລະຈີນກໍຍິນດີຮ່ວມກັບຟີລິບປິນຈັດຕັ້ງປະຕິບັດຕາມຄວາມເປັນເອກະພາບກັນຂອງປະມຸກລັດສອງປະເທດໃຫ້ມີປະສິດທິຜົນ, ເພີ່ມທະວີການແລກປ່ຽນລະຫວ່າງພັກກຳອຳນາດ,ເພີ່ມຄວາມໄວ້ເນື້ອເຊື່ອໃຈກັນທາງການເມືອງ,ຊຸກຍູ້ການຮ່ວມມືໃນຂົງເຂດຕ່າງໆຢ່າງຮອບດ້ານ ທັງຊຸກຍູ້ການເສີມຂະຫຍາຍສາຍພົວພັນສອງຝ່າຍ.
ທ່ານດູເຕີເຕຢືນຢັນວ່າ: ຟີລິບປິນຫວັງຈະເພີ່ມທະວີການຮ່ວມມືຕົວຈິງລະຫວ່າງສອງປະເທດຢ່າງຮອບດ້ານ ຂະນະທີ່ພັກກຳລັງປະຊາຊົນປະຊາທິປະໄຕກໍຍິນດີຮ່ວມກັບພັກກອມມູນິດຈີນເພີ່ມທະວີການໄປມາຫາສູ່ກັນຕາມກົນໄກທັງລົງເລິກຄວາມໄວ້ເນື້ອເຊື່ອໃຈກັນແລະການຮ່ວມມືຢ່າງບໍ່ຢຸດຢັ້ງ.
ຫຼັງພົບປະ, ທ່ານຊົ້ງທ່າວ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນແລະທ່ານປີເມັນເທວ ຜູ້ບໍລິຫານງານພັກກຳລັງປະຊາຊົນປະຊາທິປະໄຕຟີລິບປິນ, ປະທານສະພາສູງຟີລິບປິນໄດ້ຮ່ວມລົງນາມໃນບົດບັນທຶກການແລກປ່ຽນແລະຮ່ວມມືລະຫວ່າງສອງພັກໂດຍການເປັນສັກຂີພິຍານຂອງທ່ານດູເຕີເຕ.