ຂ່າວສານຊິນຮວາລາຍງານວ່າ: ວັນທີ 20 ກຸມພານີ້, ທ່ານ Vitaly Churkin ຜູ້ຕາງໜ້າຖາວອນຂອງຣັດເຊຍປະຈຳສະຫະປະຊາຊາດໄດ້ເຖິງແກ່ມໍລະນະກຳແລ້ວຢູ່ນິວຢອກ ແລະໃນໂອກາດດຳເນີນກອງປະຊຸມຂອງສະມັດຊາໃຫຍ່ສປຊຄັ້ງທີ 71 ໃນມື້ດັ່ງກ່າວ, ຜູ້ແທນໄດ້ລຸກຂຶ້ນກົ້ມຫົວໄວ້ອາໄລໜຶ່ງນາທີ.
ຄະນະຜູ້ຕາງໜ້າຖາວອນຣັດເຊຍປະຈຳສປຊກ່າວວ່າ: ທ່ານ Vitaly Churkin ໄດ້ເຖິງແກ່ມໍລະນະກຳຢູ່ຫ້ອງເຮັດວຽກ, ຂະນະທີ່ວັນທີ 21 ກຸມພານີ້ທ່ານຈະມີອາຍຸ 65 ປີ. ແນວໃດກໍດີສາເຫດການມໍລະນະກຳຂອງທ່ານ Vitaly Churkin ນັ້ນຍັງບໍ່ທັນໄດ້ຮັບການເປີດເຜີຍເທື່ອ.
ທ່ານ Vitaly Churkin ເກີດຢູ່ນະຄອນຫຼວງມົດສະກູໃນວັນທີ 21 ກຸມພາປີ 1952, ຫຼັງຈົບການສຶກສາຈາກສະຖາບັນການພົວພັນສາກົນມົດສະກູ ກໍໄດ້ເຮັດວຽກທາງການທູດ. ມາເຖິງເດືອນເມສາປີ 2006, ທ່ານໄດ້ດຳລົງຕຳແໜ່ງເປັນຜູ້ຕາງໜ້າຖາວອນຣັດເຊຍປະຈຳສປຊ.