ຕາມຂ່າວສານຈີນ:ວັນທີ 21 ກຸມພານີ້,ຄະນະຄຸ້ມຄອງການປິ່ນປົວຂະແໜງການສາທາລະນະສຸກກຳປູເຈຍໄດ້ສຳເລັດການແລກປ່ຽນບົດຮຽນຢູ່ແຂວງຢຸນນານປະເທດຈີນແລ້ວຫຼັງດຳເນີນມາເປັນເວລາ 8 ວັນໂດຍທ່ານໂປຣິຊີ ຫົວໜ້າພະແນກເຕັກໂນໂລຊີອົງການສາທາລະນະສຸກນະຄອນພະນົມເປັນກ່າວວ່າ,ຜ່ານການແລກປ່ຽນບົດຮຽນເທື່ອນີ້,ສຳມະນາກອນໄດ້ສົນໃຈຫຼາຍຕໍ່ການແພດແລະຢາພື້ນເມືອງຈີນແລະຫວັງຢ່າງຍິ່ງວ່າຈະສາມາດຮ່ວມມືກັບຈີນໃນຂົງເຂດການແພດແລະຢາພື້ນເມືອງຈີນ.
ທ່ານກ່າວຕື່ມວ່າ,ເຖິງວ່າກຳປູເຈຍມີສະຖາບັນຄົ້ນຄວ້າຢາພື້ນເມືອງກໍຕາມ,ແຕ່ພັດບໍ່ມີສູນປິ່ນປົວ.ສ່ວນສັບພະຄຸນຂອງຢາພື້ນເມືອງຈີນຈຳນວນໜຶ່ງໄດ້ລື່ນຢາຫຼວງໂດຍຄົນເຈັບກຳປູເຈຍຫຼາຍໆຄົນກໍຕ້ອງການຮັກສາດ້ວຍຢາພື້ນເມືອງຈີນ.ດ້ວຍເຫດນີ້ຈຶ່ງຫວັງໃຫ້ກຳປູເຈຍ-ຈີນເພີ່ມທະວີການຮ່ວມມືເພື່ອສ້າງສູນຄົ້ນຄວ້າແລະສູນຮັກສາດ້ວຍຢາພື້ນເມືອງ.
ທ່ານລູ້ຫຼິນ ຮອງຫົວໜ້າຄະນະກຳມະການສາທາລະນະສຸກແລະການວາງແຜນຄອບຄົວແຂວງຢຸນນານໃຫ້ຮູ້ວ່າ,ນີ້ແມ່ນເທື່ອທີສາມທີ່ກອງທຶນພັດທະນາສັນຕິພາບຈີນແລະກະຊວງສາທາລະນະສຸກກຳປູເຈຍຄັດເລືອກນັກວິຊາການລະດັບຊ່ຽວຊານ 5 ທ່ານເຂົ້າຮ່ວມອົບຮົມແລກປ່ຽນຢູ່ແຂວງຢຸນນານ.